Last Update:
 
ऍग्रो गाईड
जी. एस. डमाळे, कागल, जि. कोल्हापूर. बांधकामाच्या रचनेवरून तरंगती गॅसटाकी संयंत्र आणि स्थिर घुमट संयंत्र, असे बायोगॅसचे प्रकार आहेत. तरंगत्या टाकीचा बायोगॅस चांगला चालतो पण त्यासाठी बराच खर्च येतो. संयंत्रावर तरंगणारी लोखंडी टाकी गंजल्यास किंवा काही कारणांनी निकामी झाल्यास ती दुरुस्त करण्यासाठी किंवा बदलण्यासाठी बराच खर्च येतो. सध्या महाराष्ट्रात स्थिर घुमट संयंत्र प्रकारातील दीनबंधू बायोगॅस बांधले जातात.

Thursday, October 30, 2014 AT 05:45 AM (IST)

बागवान कुटुंबीयांचा प्रक्रिया उद्योग शेतकऱ्यांकडून खरेदी केलेल्या कच्च्या पपईपासून टुटीफ्रुटी तयार करण्याचा उद्योग धुळे जिल्ह्यातील बेटावद (ता. शिंदखेडा) येथील बागवान कुटुंबीयांनी उभारला आहे. दररोज सुमारे 12 क्विंटल पपईवर प्रक्रिया करून 500 किलो टुटीफ्रुटीचे उत्पादन घेतले जाते. त्याचा फायदा परिसरातील पपई उत्पादकांनाही झाला आहे. जितेंद्र पाटील धुळे जिल्ह्यातील शेतकरी डाळिंब, पपई, पेरू, सीताफळाचे मोठ्या प्रमाणावर उत्पादन घेतात.

Thursday, October 30, 2014 AT 05:30 AM (IST)

जी. एस. करंडे, राजापूर, जि. रत्नागिरी. 1) साग लागवडीसाठी थोडीफार चढ-उताराची, पाण्याचा योग्य निचरा होणारी जमीन लागते. खडकाळ किंवा मुरमाड जमिनीत साग चांगल्या प्रकारे वाढतो. काळी चिकट माती असेल, तर सागाची वाढ समाधानकारक होत नाही. तसेच उथळ, निचरा न होणारी, फार दलदलीची जमीन साग लागवडीस अयोग्य आहे. 2) सागाचे बियाणे पेरून, रोपांची लागवड करून किंवा खोडमूळ (स्टंप) लावून लागवड करता येते.

Thursday, October 30, 2014 AT 05:30 AM (IST)

यशवंत जगताप, मानूर, जि. नाशिक. टोमॅटो लागवड तीनही हंगामात करता येते. खरीप हंगामात जून-जुलै, रब्बी हंगामात सप्टेंबर-ऑक्‍टोबर आणि उन्हाळी हंगामासाठी डिसेंबर-जानेवारीमध्ये रोपवाटिका करावी. महात्मा फुले कृषी विद्यापीठाने जवळच्या ते मध्यम पल्ल्याच्या बाजारपेठेसाठी धनश्री आणि भाग्यश्री या सरळ प्रकारातील जाती, तर लांबच्या बाजारपेठेसाठी फुले राजा ही संकरित जात प्रसारित केली आहे. टोमॅटो लागवड करताना बुटक्‍या व मध्यम जातीसाठी 75 ते 90 सें. मी.

Thursday, October 30, 2014 AT 04:45 AM (IST)

गुलाब सैंदाणे, भडगाव, जि. जळगाव. चिंचेची लागवड मुरमाड, हलक्‍या, डोंगरउताराच्या जमिनीवर, तसेच मध्यम - खोल जमिनीत करावी. लागवडीसाठी 10 x 10 मीटर अंतरावर 1 मी. x 1 मी. x 1 मी. आकाराचे खड्डे खणून त्यामध्ये तळाला पालापाचोळा, एक पाटी चांगले कुजलेले शेणखत, एक किलो सिंगल सुपर फॉस्फेट व चांगल्या मातीच्या मिश्रणाने खड्डा भरून घ्यावा. लागवडीसाठी प्रतिष्ठान, अकोला स्मृती, अजंठा गोडचिंच या जाती निवडाव्यात. लागवडीनंतर कलमांची योग्य काळजी घ्यावी.

Wednesday, October 29, 2014 AT 05:30 AM (IST)

डॉ. अरुण काळे, रेडगाव, जि. नाशिक. सौर वाळवणी यंत्र : साठवणीसाठी धान्य योग्य आर्द्रतेपर्यंत सुकविणे आवश्‍यक असते. यासाठी अनेक प्रकारांमध्ये सौर वाळवणी यंत्र (सोलर ड्रायर) उपलब्ध आहे. वरती धुराडे असलेला कॅबिनेट ड्रायर विविध पिकांसाठी उपयोगी ठरतो. सौर फोटोव्हेल्टाइक पंप नदी, नाले किंवा विहीर इत्यादी स्रोतांपासून पाणीपुरवठा करण्यासाठी सौर ऊर्जेचा वापर होऊ शकतो. सौर पंप प्रणालीमध्ये चार मुख्य भाग असतात...

Wednesday, October 29, 2014 AT 05:30 AM (IST)

प्रकाश पोकळे, जत, जि. सांगली. डाळिंब लागवडीसाठी हलकी ते मध्यम, चांगल्या निचऱ्याची जमीन निवडावी. लागवडीसाठी गणेश, जी-137, मृदुला, फुले आरक्ता, भगवा, फुले भगवा सुपर या जाती निवडाव्यात. सरकारमान्य रोपवाटिका किंवा कृषी विद्यापीठाच्या रोपवाटिकेतूनच कलमे खरेदी करावीत. माती परीक्षण अहवालानुसार शिफारशीत खतमात्रा द्यावी. पाणी व्यवस्थापनासाठी ठिबक सिंचन करावे. लागवडीचे अंतर 4.5 x 3 मीटर ठेवावे.

Wednesday, October 29, 2014 AT 05:15 AM (IST)

विजय दाभाडे, कराड, जि. सातारा. 1) अडुळसा हे सदैव हिरवेगार असणारे, दोन ते तीन मीटर उंच वाढणारे झुडूप आहे. पाने हिरवी, लांबट, वर्तुळाकार, टोकाकडे निमुळती होत गेलेली असतात. झुडपाचे मध्यम आकाराचे सोटमूळ लांब वाढते. खोडाला फांद्या समोरासमोर येतात. पेर फुगलेली असतात. फुले पांढरी असतात. फळे टोकाला लागतात. या वनस्पतीची लागवड ही छाट कलमाद्वारा किंवा बिया लावूनही करता येते. मुख्यतः पावसाळ्यात लागवड केली जाते.

Wednesday, October 29, 2014 AT 05:00 AM (IST)

आर. जी. सणस, रांझणी, जि. नंदुरबार. 1) ताटी पद्धतीमध्ये 6 फूट x 3 फुटांवर वेलवर्गीय भाज्यांची लागवड करतात. यासाठी रीजरच्या साह्याने सहा फूट अंतरावर सरी पाडावी. प्रत्येक 25 फूट अंतरावर आडवे पाट तयार करावेत. सऱ्यांच्या लांबीच्या दोन्ही टोकांना दहा फूट उंचीचे व चार इंच जाडीचे डांब शेताच्या बाहेरच्या बाजूला झुकतील या पद्धतीने दोन फूट जमिनीत गाडावेत. त्यांना दोन्ही बाजूंनी दहा गेजच्या तारेने ताण द्यावा.

Tuesday, October 28, 2014 AT 05:30 AM (IST)

पी. बी. सोनवणे, मानूर, जि. नाशिक. संधिवात म्हणजे एक किंवा एकापेक्षा जास्त सांध्यांचा दाह होणे. हा आजार दोन ते चार आठवड्यांपर्यंतच्या कोकरांमध्ये होतो. हा आजार एक किंवा एकापेक्षा जास्त पायांना होऊ शकते. सांध्यांना जास्त सूज आल्यावर हा आजार लक्षात येतो. प्रसार  - 1) जिवाणूंचा संसर्ग जखमेद्वारा किंवा मेंढी व्यायल्यानंतर कोकराच्या नाळेतून होतो. जिवाणू शरीरात प्रवेश केल्यानंतर ते सांध्यांमध्ये वास्तव्य करतात.

Tuesday, October 28, 2014 AT 05:30 AM (IST)

जी. एस. गायकवाड, आजरा, जि. कोल्हापूर. 1) फणसाला नियमित फुले व फळे येतात. फणसामध्ये नैसर्गिकरीत्या दोन प्रकार आढळतात. एक म्हणजे कापा, तर दुसरा बरका. गरे म्हणून कापा फणसाला प्राधान्य दिले जाते. 2) फणसामध्ये नर व संयुक्त (मादी फुले) वेगवेगळी येतात पण ती एकाच झाडावर असतात. नर फुले ही गोलसर असतात आणि हाताने स्पर्श केल्यानंतर गुळगुळीतपणा जाणवतो, तर मादी फुले लांबट असून, काटेरी दिसतात.

Tuesday, October 28, 2014 AT 05:15 AM (IST)

आर. जी. कोळेकर, शिरगाव, जि. रत्नागिरी. दालचिनीची लागवड केल्यानंतर तिसऱ्या वर्षापासून फांद्यांची साल काढण्यासाठी तयार होते. झाडाच्या फांद्या तोडून साल काढावी लागते. फांदी काढण्याचा हंगाम म्हणजे झाडामध्ये नवीन फुटवा असलेली स्थिती आणि रसदारपणा असणे आवश्‍यक असते. या वेळी झाडाची साल व खोड यांच्यामधून रस पाझरत असतो. दालचिनी काढणीसाठी फांद्या तोडताना या स्थितीची तपासणी करणे अत्यावश्‍यक आहे.

Thursday, October 23, 2014 AT 05:30 AM (IST)

विकास तांबे, श्रीरामपूर, जि. नगर. 1) शेंगा फोडणी यंत्रामुळे शेंगा फोडण्याचे काम लवकर होऊन वेळेची व खर्चाची बचत होते. या यंत्राच्या रचनेत चार पाय असलेल्या एका लोखंडी पेटीत खालच्या बाजूस वक्राकार जाळी बसविलेली असते. पेटीच्या मध्यभागी फिरणाऱ्या दांड्यावर एक लांब हॅंडल असतो. हॅंडलच्या खालच्या टोकाला तीन खरबरीत लोखंडी ब्रश बसविलेले असतात.

Thursday, October 23, 2014 AT 05:30 AM (IST)

  विजय मुरुडकर, मुरबाड, जि. ठाणे. 1) रताळी लागवडीसाठी जमीन साधारण उतार असलेली व उत्तम निचऱ्याची निवडावी. टेकडीच्या उतारावरील वरकस जमिनीत हे पीक घेता येईल. लागवडीकरिता जमीन 15 ते 25 सें. मी. खोलीपर्यंत नांगरून किंवा खोदून घ्यावी. 60 सें. मी. अंतरावर वरंबे जमिनीच्या उतारास काटकोनात करावेत. 2) लागवड करण्यासाठी कोकण अश्‍विनी, वर्षा किंवा श्रीवर्धनी या जातींचा वापर करावा. लागवड जून महिन्याच्या दुसऱ्या पंधरवड्यात पूर्ण करावी.

Thursday, October 23, 2014 AT 05:30 AM (IST)

शिरीष माने, एरंडोल, जि. जळगाव धिंगरी अळिंबीच्या लागवडीसाठी नैसर्गिक तापमान 22 ते 30 अंश सेल्सिअस आणि हवेतील आर्द्रता 65 ते 90 टक्के असणे आवश्‍यक असते. धिंगरी अळिंबीची लागवड शेतातील पिकांच्या मळणीनंतर निरुपयोगी अशा वाळलेल्या काडावर व पालापाचोळ्यावर करता येते. यासाठी मुख्यतः भात व गव्हाचे काड, ज्वारी, बाजरी, मका यांची ताटे व पाने, सोयाबीन व तूर यांच्या काड्या, भुईमुगाच्या शेंगांची टरफले इत्यादी वाळलेल्या काडाचा व पालापाचोळ्याचा वापर करता येतो.

Wednesday, October 22, 2014 AT 11:32 AM (IST)

विजय शिंदे, परतूर, जि. जालना. शेवगा लागवडीसाठी डोंगरउताराच्या, हलक्‍या माळरानाची भरड जमीन चांगली असते. लागवडीसाठी कोकण रुचिरा, पी. के. एम.-1, पी. के. एम. - 2 या जातींची निवड करावी. कोकण रुचिरा या जातीच्या शेंगा गर्द हिरव्या, मध्यम लांब आणि शिजण्यास चांगल्या असतात. पी. के. एम. -1, पी. के. एम.-2 या जाती सहा ते आठ महिन्यांत फुलोऱ्यावर येतात. दोन झाडांतील व दोन ओळींतील अंतर चार ते पाच मीटर ठेवावे. लागवड करताना 60 सें. मी. बाय× 60 सें. मी.

Wednesday, October 22, 2014 AT 11:32 AM (IST)

  व्ही. एम. पाटील, रांझणी, जि. नंदुरबार. 1) गोठा बांधताना शेतातील उंचावर असलेली कठीण व सपाट जागा निवडावी- जेणेकरून गोठ्यातील मलमूत्र, सांडपाणी याची विल्हेवाट योग्य पद्धतीने होते. चाऱ्यासाठी योग्य प्रकारची गव्हाण आणि प्रत्येक जनावरास हालचालीसाठी पुरेशी जागा मिळेल, याची काळजी घ्यावी. 2) गोठ्याचे छत योग्य उंचीवर आणि न गळणारे असावे. गोठ्यात भरपूर सूर्यप्रकाश व हवा खेळती राहील अशी व्यवस्था असावी.

Wednesday, October 22, 2014 AT 11:31 AM (IST)

  आर. डी. बेडसे, जळकू, जि. नाशिक. 1) कूपनलिकेजवळ नाला अथवा ओढ्याचे पाणी वळवावे. 2) कूपनलिकेच्या सभोवताली दोन मीटर लांब, दोन मीटर रुंद व दोन मीटर खोल आकाराचा खड्डा खोदावा. 3) खड्ड्यातील उंचीएवढ्या केसिंग पाइपच्या भागात एक-दोन सें. मी. अंतरावर सर्व बाजूंनी चार-पाच मि.लि. व्यासाची छिद्रे पाडावीत. 4) या छिद्रांवर नारळदोरी (काथ्या) घट्ट गुंडाळावी.

Wednesday, October 22, 2014 AT 11:31 AM (IST)

राजेंद्र गोमासे, कौलखेड, जि. अकोला. मिरची लागवडीसाठी चांगल्या निचऱ्याची जमीन निवडावी. हिरव्या मिरचीसाठी ज्वाला, एन. पी. - 46-ए या जाती, तर पिकलेल्या लाल मिरचीसाठी सी. ए. 960, पंत सी-1, जी-3, अग्निरेखा, तेजस, फुले सूर्यमुखी, फुले ज्योती, अर्का लोहित, कोकणकीर्ती या जातींची निवड करावी. उन्हाळी लागवडीसाठी ज्वाला आणि एन. पी. - 46 या जातींची निवड करावी. रोपवाटिकेत रोपे तयार करून 45 दिवसांनी पुनर्लागवड करावी.

Wednesday, October 22, 2014 AT 11:30 AM (IST)

एस. जी. थोरबोले, महाड, जि. रायगड करवंदाचे झाड कोणत्याही निचऱ्याच्या जमिनीत चांगल्या प्रकारे वाढते. ते हलक्‍या, मुरमाड, तसेच कातळ असलेल्या जमिनीतही चांगले येते. बियांपासून रोपे तयार करून अभिवृद्धी करता येत असली तरी इच्छित प्रकारच्या जाती, प्रकाराची अभिवृद्धीसाठी गुटी किंवा जून फांद्यांच्या छाट कलमांद्वारा लागवड करावी. विद्यापीठाने "कोकण बोल्ड' नावाची नवीन जात प्रसारित केली आहे.

Friday, October 17, 2014 AT 05:30 AM (IST)

किशोर धुमाळ, कडेगाव, जि. सांगली मोगरा लागवडीसाठी हलकी ते मध्यम, पाण्याचा निचरा होणारी, 60 सें.मी. खोलीची आणि 6.5 ते सात सामू असलेली जमीन निवडावी. हे बहुवार्षिक पीक आहे, त्यामुळे जमिनीची चांगली नांगरट करावी. लागवडीसाठी हलक्‍या ते मध्यम जमिनीत 1.20 मीटर x 1.20 मीटर अंतरावर 60 सें.मी x 60 सें.मी. x 60 सें.मी. आकाराचे खड्डे खणावेत. यापेक्षा कमी अंतर ठेवल्यास रोग-किडींचा प्रादुर्भाव होऊ शकतो. गुंडुमलई या जातीसाठी लागवडीचे अंतर जास्त ठेवावे.

Friday, October 17, 2014 AT 05:30 AM (IST)

आर. जी. बगाडे. अकोट, जि.अकोला देशातील कोंबडी संशोधनात कार्यरत संस्थांनी ग्रामीण भागाकरिता बहुपयोगी अशा कोंबड्यांच्या विविध जाती विकसित केलेल्या आहेत. प्रकल्प संचालनालय, हैदराबाद येथील तज्ज्ञांनी अंडीउत्पादनासाठी ग्रामप्रिया, मांस उत्पादनासाठी क्रीषिब्रो आणि मांस, तसेच अंडी उत्पादनाकरिता वनराज या जाती विकसित केलेल्या आहेत. कृषी विज्ञान विद्यापीठ, बंगळूर येथील तज्ज्ञांनी गिरिराज, तसेच अंडी उत्पादनाकरिता गिरिराणी या जाती विकसित केलेल्या आहेत.

Wednesday, October 15, 2014 AT 05:00 AM (IST)

दिनकर नादेवे, सोनापूर, जि. गडचिरोली नाडेप कंपोस्ट खत तयार करण्यासाठी पाणी न साचणाऱ्या उंच ठिकाणी एक टाकी बांधावी. त्यासाठी 12 फूट लांब व 5 फूट रुंद अशी आयताकृती जागा 1 फूट लांब व 1 फूट खोल खोदून घ्यावी. टाकी बांधण्यास साधारणतः 1200 विटा, 80-100 टोपली माती, 20 टोपली वाळू, दगड, एक गोणी सिमेंट एवढी सामग्री लागते. - खोदलेली जागा दगडमातीने भरून जमिनीला समांतर करताना धुम्मस करून टणक करावी किंवा खालची जागा सिमेंट कॉंक्रीटने पक्की करावी.

Wednesday, October 15, 2014 AT 05:00 AM (IST)

जयंत कोळेकर, संगमेश्‍वर, जि. रत्नागिरी दालचिनी लागवड अति पावसाळा सोडून कोणत्याही महिन्यात करता येते. नारळाच्या बागेत लागवड करायची झाल्यास झाडापासून दोन मीटर अंतरावर लागवड करावी. सलग लागवड करायची झाल्यास 1.25 x 1.25 मीटर अंतरावर 60 x 60 x 60 सें.मी. आकाराचे खड्डे खणावेत. खड्ड्यामध्ये चांगली माती, एक घमेले शेणखत, 250 ग्रॅम सिंगल सुपर फॉस्फेट व 100 ग्रॅम म्युरेट ऑफ पोटॅश यांच्या मिश्रणाने भरून ठेवावेत.

Tuesday, October 14, 2014 AT 05:30 AM (IST)

रमेश पगारे, चांदवड, जि.नाशिक 1) मुरघास बनविण्यासाठी एकदल पिके- जसे की मका, ज्वारी, बाजरी, ओट आणि गवत पिके तसेच द्विदल पिके- जसे की लुसर्ण, चवळी, बरसीम, गवार, वाल आणि पावटा यांचा वापर करावा. 2) एकदल पिकांच्या चाऱ्यामध्ये कर्बोदकाचे प्रमाण जास्त असल्यामुळे चांगल्या प्रतीचा मुरघास तयार होतो. त्यासाठी मका हे चांगले पीक आहे. 3) द्विदल पिकांच्या चाऱ्यांमध्ये प्रथिने व खनिजांचे प्रमाण जास्त असते.

Tuesday, October 14, 2014 AT 05:30 AM (IST)

प्रकाश ढेरे, खानिवली, जि. ठाणे 1) रबराची वाढ उष्ण व दमट हवामानात चांगली होते. भरपूर सूर्यप्रकाश व 75 ते 95 टक्के आर्द्रता असलेल्या परिसरात या पिकाची वाढ चांगली होते. 2) चांगला निचरा होणारी, आम्लधर्मीय, साधारण उताराची जमीन या पिकासाठी आवश्‍यक आहे. या सर्व बाबींची अनुकूलता कोकणात आहे. 3) लागवडीसाठी जी.टी. 1, पी.आर. 107 आणि आर.आर.आय.एम. 600 या जातींची निवड करावी. साधारण उताराची जमीन या पिकासाठी आवश्‍यक असते.

Tuesday, October 14, 2014 AT 05:15 AM (IST)

गिरीश वाघमारे, औरंगाबाद 1) बिब्बा या वृक्ष प्रजातीचा उपयोग रंगनिर्मिती, रेझीन, औषधी, साबण उद्योग, तणनाशके, आगरोधक, प्लॅस्टिक, वंगण इ. अनेक उद्योगांसाठी होतो. 2) हा मध्यम उंचीचा वृक्ष असून, पाच ते सात मीटरपर्यंत वाढतो. याची पाने साधी, शेंड्याला गोलाकार, पृष्ठभाग, गुळगुळीत, पाठीमागून खडकाळ असतात. फुले हिरवट- पांढरट, छोटेसे देठ असते. फळे एक इंच आकाराची असतात. बी काळ्या रंगाची असते. काजूप्रमाणे बिब्ब्याचे बोंड येते, ते पिकल्यानंतर पिवळे होते.

Monday, October 13, 2014 AT 05:45 AM (IST)

के. जी. सावळे, यावल, जि. जळगाव 1) बांबू लागवड करायच्या ठिकाणी उन्हाळ्यात 3 x 3 मीटर अंतरावर आखणी करून कंदापासून लागवड करण्यासाठी 60 x 60 x 60 सें.मी. आकाराचे खड्डे खोदून ठेवावेत. रोपांपासून लागवड करावयाची असल्यास 30 x 30 x 30 सें.मी. आकाराचे खड्डे खोदावेत. 2) कंद लागवडीसाठी जर कंदाचा आकार मोठा असेल, तर त्यानुसार खड्ड्याचा आकार वाढवावा. पावसाळ्याच्या सुरवातीस खड्ड्यात चांगली माती, 250 ग्रॅम सिंगल सुपर फॉस्फेट मिसळावे.

Monday, October 13, 2014 AT 05:30 AM (IST)

आडसाली ऊस  - 1) आडसाली लागवड असलेला को-86032 जातीचा ऊस कारखाना सुरू झाला, की नोव्हेंबरच्या दुसऱ्या आठवड्यात तोडणी होईल. तोडणीपूर्वी मी 15 दिवस अगोदर पाणी देणे थांबविणार आहे, त्यामुळे उसाची रिकव्हरी चांगली वाढेल. रिकव्हरी चांगली वाढल्याने वजनामध्ये वाढ होईल. 2) सध्या या उसाला एकरी दोन किलो अमोनिअम सल्फेट आणि 250 ग्रॅम पोटॅश ठिबकमधून दररोज देत आहे. अजून सात दिवस ही मात्रा देणार आहे.

Friday, October 10, 2014 AT 05:30 AM (IST)

एस. जी. जाधव, खेड, जि. रत्नागिरी. 1) खड्डा पद्धतीने गांडूळ खत तयार करताना साधारणपणे 2.5 ते 3 मीटर लांबीचे आणि 90 सें. मी. रुंदीचे सेंद्रिय पदार्थांचे ढीग तयार करावेत. 2) प्रथम जमिनीवर पाणी शिंपडून जमीन ओली करावी. ढिगाच्या तळाशी नारळाचा काथ्या, गवत, भाताचे तूस यासारख्या लवकर न कुजणाऱ्या पदार्थांचा तीन ते पाच सें. मी. जाडीचा थर करावा. त्यावर पुरेसे पाणी शिंपडावे. या थरावर तीन ते पाच सें. मी. जाडीचा चांगला कुजलेल्या शेणाचा थर द्यावा.

Thursday, October 09, 2014 AT 05:30 AM (IST)

विशाल नरुटे, शहादा, जि. नंदुरबार घेवडा लागवडीसाठी हलकी, मध्यम निचऱ्याची जमीन निवडावी. लागवडीपूर्वी हेक्‍टरी पुरेसे शेणखत मिसळावे. लागवडीसाठी फुले सुयश, कंटेडर या जाती निवडाव्यात. लागवड जून, जुलै आणि जानेवारी, फेब्रुवारी महिन्यांत करावी. लागवड करताना सपाट वाफ्यात लागवड करताना 60 x 30 सें. मी. आणि सरी वरंबा पद्धतीने लागवड करताना 45 x 30 सें. मी. अंतराने लागवड करावी. लागवडीसाठी हेक्‍टरी 40 किलो बियाणे लागते.

Thursday, October 09, 2014 AT 05:15 AM (IST)

 
 
About Us | Contact Us | Ad Rate Card | RSS
© Copyrights 2014 Agrowon.com - All rights reserved.
of
Powered By: