Last Update:
 
ऍग्रो गाईड
- यंदाच्या हंगामातील कलिंगडाची शेवटची तोडणी 14 एप्रिल रोजी पूर्ण झाली. सध्या वेल शेताबाहेर काढण्याचे काम चालू आहे. वेल बाहेर काढून झाल्यावर ट्रायकोडर्माचे द्रावण ठिबक संचामधून देणार आहे, त्यामुळे जमिनीतील अपायकारक बुरशी नष्ट होईल. - 20 ते 25 एप्रिलदरम्यान कलिंगडाची नवीन लागवड करण्याचे नियोजन आहे. रमजानच्या दरम्यान बाजारात विक्रीला कलिंगडे तयार असतील असे नियोजन आहे. - लागवड आठ बाय दीड फुटावर झिगझॅग पद्धतीने करणार आहे.

Friday, April 18, 2014 AT 05:15 AM (IST)

1) - जनार्दन देसाई, निफाड, जि. नाशिक जांभूळ लागवडीसाठी 10 x 10 मीटर अंतरावर 90 सें.मी. x 90 सें.मी. x 90 सें.मी. आकाराचे खड्डे खणावेत. हे खड्डे माती व दोन घमेली चांगले कुजलेले शेणखत, 1.5 किलो सिंगल सुपर फॉस्फेटच्या मिश्रणाने एप्रिल - मे महिन्यात भरून घ्यावेत. चांगला पाऊस झाल्यावर कोकण बहाडोली या जातीच्या कलमांची लागवड करावी. कलमाची लागवड केल्यावर त्याला काठीचा आधार द्यावा. आळ्यात आच्छादन करावे. कोकण बहाडोली जातीची फळे मोठी (23.4 ग्रॅम वजन) आहेत.

Friday, April 18, 2014 AT 05:00 AM (IST)

- 15 जुलै रोजी लागवड केलेला ऊस सध्या डोक्‍याच्या वर तीन ते चार फूट उंचीचा झाला आहे. - पिकाला कॅल्शियम कमतरता दिसत आहे, तज्ज्ञांचा सल्ला घेतला. त्यानुसार उसाची उंची वाढल्याने फवारणी करणे शक्‍य नसल्याने सबसरफेस ठिबक संचामधून कॅल्शियम नायट्रेट एक दिवसाआड एकरी एक किलो प्रमाणे एकूण 15 किलो देणार आहे. - 24:24:0 एक किलो व मॅग्नेशियम सल्फेट अर्धा किलो एक दिवसाआड आलटून-पालटून देणार आहे.

Friday, April 18, 2014 AT 04:45 AM (IST)

- जयवंत भोळे, कांचनपूर, जि.सांगली ऍझोलामध्ये प्रथिने, आवश्‍यक अमिनो आम्ले, जीवनसत्त्वे (अ, ब आणि बीटा कॅरोटिन), क्षार (कॅल्शिअम, फॉस्फरस, पोटॅशिअम, लोह, तांबे, मॅग्नेशिअम) व शरीरवाढीसाठी आवश्‍यक घटक मुबलक प्रमाणात असतात. ऍझोलामध्ये उच्च प्रथिने आणि कमी लिग्निन असल्याने जनावरे ऍझोला सहज पचवू शकतात. ऍझोला उत्पादन  - * ऍझोला लागवड करावयाच्या ठिकाणच्या जमीन समतल करावी. * वाफा तयार करण्यासाठी विटांची 2 मी. x 2 मी.चौरसाकृती रचना करावी.

Wednesday, April 16, 2014 AT 05:00 AM (IST)

बी. एन. पवार, पाल, जि.जळगाव 1) शेतातील शेणाचा खड्डा, ढिगारा, उकिरडा इत्यादी मे महिन्याच्या सुरवातीलाच रिकामा करून हे शेणखत शेतात मिसळून द्यावे. त्यामुळे पाऊस पडल्यानंतर त्यामध्ये घातल्या जाणाऱ्या अंड्यानंतर होणारा प्रसार थांबविता येईल. शेणखत जमिनीत मिसळताना त्यात सापडणाऱ्या भुंगेऱ्यांच्या अळ्या वेचून नष्ट कराव्यात. 2) शेणखत शेतात मिसळताना चांगले कुजलेले असावे. शेणखत पूर्णपणे कुजविण्यासाठी कंपोस्ट कल्चरचा वापर करावा.

Wednesday, April 16, 2014 AT 05:00 AM (IST)

- मोहन साळुंखे, चास, जि. नगर. 1) स्टायलो पिकासाठी हलकी ते मध्यम जमीन निवडावी. मुरमाड व अतिशय हलक्‍या, तसेच डोंगरउतारावरील हलक्‍या व जमिनीही या पिकास चालतात. मध्यम ते भारी जमिनीत या पिकाची लागवड केल्यास या पिकापासून भरपूर चारा मिळतो. या पिकासाठी निवडलेली जमीन चांगला निचरा होणारी असावी. पावसाळ्यापूर्वी जमिनीची मशागत करून लागवडीची तयारी करावी. 2) फुले क्रांती जातीचे उत्पादन चांगले आहे. या जातीमध्ये प्रथिनांचे प्रमाण, पाचकता चांगली आहे.

Saturday, April 12, 2014 AT 04:45 AM (IST)

- विशाल शिंगारे, पिपरी, जि. वर्धा तापमानवाढीच्या काळात कोंबड्यांच्या सततच्या उघडझाप करण्याने श्‍वसनाचा वेग वाढतो, तसेच हृदयाच्या स्पंदनांमध्ये वाढ होते. त्यामुळे रक्तदाब वाढतो व यामुळे कोंबड्यांना उष्माघात होतो. 1) कोंबड्यांना जर उष्णतेचा त्रास जाणवत असेल तर त्या शांतपणे उभ्या राहतात. त्यांच्यामध्ये मंदपणा व सुस्तपणा दिसून येतो. 2) काही कोंबड्या या पाणी पिण्याच्या भांड्याजवळ मान वाकवून उभ्या असतात.

Saturday, April 12, 2014 AT 04:45 AM (IST)

काकडी  - - काकडी 75 दिवसांची आहे, 20 मार्चपासून तोडे चालू आहेत. एक दिवसाआड 300 ते 400 किलो काकडी निघते. आतापर्यंत 10 ते 12 तोडे झाले आहेत. जवळजवळ अडीच टनांपर्यंत माल निघाला आहे. - कोवळ्या काकडीला बाजारात मागणी जास्त असते, त्यामुळे काकडी कोवळी असतानाच तोडे करत आहे. तोडे करून प्रतवारी करतो. - 25 किलोच्या बॅगमध्ये पॅकिंग करून काकडी बाजारात पाठवितो. जालना, औरंगाबाद, परभणीच्या बाजारात काकडी पाठवित आहे.

Friday, April 11, 2014 AT 04:45 AM (IST)

  मधुकर राजमाने, कराड, जि. सातारा गादी वाफा पद्धत  - मध्यम काळ्या व भारी जमिनीमध्ये रुंद वरंबा किंवा गादी वाफा पद्धतीने लागण करून पाणी दिल्यास जमीन पाझरून घट्ट होत नाही. तिच्यामध्ये हवा खेळती राहण्यास मदत होते. त्यामुळे गड्डा चांगला पोसून उत्पादनात 20 ते 40 टक्के वाढ होते. या पद्धतीने लागवड करण्यासाठी जमीन समपातळीत असणे आवश्‍यक आहे. पाणी देण्यासाठी ठिबक किंवा तुषार सिंचन पद्धतीचा वापर करावा.

Thursday, April 10, 2014 AT 04:45 AM (IST)

- सुभाष बिरडे, तोंडापुरी, जि. हिंगोली ब्रोकोली पिकास कोरडे व थंड हवामान मानवते. रेताड, मध्यम, काळी, निचऱ्याची जमीन या पिकास चांगली असते. अति हलकी, क्षारयुक्त, चोपण, पाणथळ जमिनीत या पिकाची लागवड करू नये. शेवटच्या पाळीपूर्वी चांगले कुजलेले शेणखत पसरून जमिनीच्या उतारानुसार लागवडीसाठी सपाट वाफे तयार करावेत. लागवडीसाठी गणेश ब्रोकोली या जातीची निवड करावी. या जातीचा गड्डा आकर्षक, हिरव्या रंगाचा असून सरासरी वजन 180 ते 200 ग्रॅम असते.

Wednesday, April 09, 2014 AT 05:30 AM (IST)

प्रकाश शेजवळ, कुडवली, जि. रत्नागिरी 1) अडुळसा ही सदाहरित असणारी दोन ते तीन मीटर वाढणारी प्रजाती काही ठिकाणी कुंपणासाठी लागवड केलेली आढळते. पाने हिरवी, लांबट, टोकाकडे निमुळती होत गेलेली असतात. मध्यम आकाराच्या या झुडपाचे सोटमूळ लांब वाढते. खोडाला पाने समोरासमोर येतात. पेरे फुगलेली असतात. फुले पांढरी असतात व फुलांना देठ नसते. 2) ही वनस्पती उष्ण व दमट हवामानात चांगली वाढते. कमी पावसाच्या प्रदेशात या वनस्पतीची लागवड करता येते.

Wednesday, April 09, 2014 AT 05:00 AM (IST)

- आर. जी. इंगळे, वैजापूर, जि. औरंगाबाद 1) शेततळी ही काळ्या खोल जमिनीत बांधली गेली असतील तर अशा जमिनीत पाणी झिरपून पाण्याचे प्रमाण कमी राहते परंतु शेततळ्यात गाळ राहण्याचे प्रमाण जास्त असते. यामुळे काही कालांतराने शेततळ्याची पाणी साठवण क्षमता कमी होते. 2) शेततळे घेण्यापूर्वी मृद व जलसंधारणाचे उपाय करावेत, जेणेकरून पावसाच्या वाहून येणाऱ्या पाण्याबरोबरच गाळ वाहून येणार नाही.

Monday, April 07, 2014 AT 05:30 AM (IST)

1) - अजय बनसोड, कालवडे, जि. सातारा 1) मातीचा नमुना घेण्यासाठी वापरण्यात येणारी अवजारे, उदा. फावडे, कुदळ, घमेले, खुरपी इत्यादी स्वच्छ असावीत. 2) मातीचा नमुना पिके काढल्यानंतर, परंतु नांगरणीपूर्वी घ्यावा. 3) उभ्या पिकामधील मातीचा नमुना घ्यावयाचा असेल तर दोन ओळींमधील मातीचा नमुना घ्यावा परंतु पिकास रासायनिक खत दिले असल्यास तीन महिन्यांच्या आत संबंधित जमिनीतून माती नमुना घेऊ नये.

Monday, April 07, 2014 AT 05:30 AM (IST)

संकेतस्थळ ःwww.crida.in हैदराबाद( आंध्रप्रदेश) मधील संतोषनगर येथे राष्ट्रीय कोरडवाहू शेती संशोधन संस्था ( क्रिडा) कार्यरत आहे. या संस्थेची स्थापना 1985 मध्ये झाली. जिरायती भागातील शेती पद्धतीबाबत या संस्थेमध्ये विशेष संशोधन केले जाते.

Saturday, April 05, 2014 AT 05:30 AM (IST)

- गेना भुजबळ, मलठण, जि. पुणे एरंडी पिकासाठी सर्व प्रकारच्या निचऱ्याच्या जमिनी लागवडीसाठी योग्य आहेत. मशागतीच्या वेळी चांगले कुजलेले शेणखत जमिनीत मिसळावे. लागवड 15 जुलैपर्यंत पावसाच्या आगमनानुसार करावी. गिरिजा, व्हीआय-9 या जातींची लागवड 90 × 45 सें.मी. अंतरावर, तर अरुणा जातीची लागवड 60 × 30 सें.मी. अंतरावर करावी. भारी जमिनीत प्रत्येक ठिकाणी दोन ते तीन बिया तीन ते पाच सें.मी. खोलीवर टोकाव्यात. हेक्‍टरी जातीपरत्वे 15 ते 20 किलो बियाणे लागते.

Friday, April 04, 2014 AT 05:45 AM (IST)

  सोपान नळे, कोल्हार बु, जि.नगर, बी.एस. शिंदे, चंदगड, जि.कोल्हापूर 1) उसाच्या पाचटात 0.5 टक्के नत्र, 0.2 टक्के स्फुरद आणि 0.7 ते 1 टक्के पालाश आणि 32 ते 40 टक्के सेंद्रिय कर्ब असते. ऊसतोडणीच्या वेळी पाचट ओळीत न लावता जागच्या जागी ठेवावे. शेतात एखाद्या ठिकाणी पाचटाचा ढीग राहिल्यास तो पसरून द्यावा. त्यानंतर उसाच्या बुडख्यावर असलेले पाचट बाजूला करून उसाचे बुडखे मोकळे करावेत.

Friday, April 04, 2014 AT 05:45 AM (IST)

- नितीन गेठे, नगाव, जि. धुळे सर्वसाधारणपणे कारली, दोडका, घोसाळी, वाल, काकडी या पिकांसाठी ताटी पद्धतीचा तर दुधी भोपळ्यासाठी मंडप पद्धतीचा वापर करावा. पारंपरिक पद्धतीपेक्षा या सुधारित पद्धतीमुळे उत्पादनात वाढ मिळते. दोन ओळींतील अंतर जास्त असल्यामुळे यंत्राच्या साहाय्याने आंतरमशागत करणे सुलभ होते. ताटी अथवा मंडप पद्धतीमुळे भरपूर सूर्यप्रकाश खेळता राहतो, त्यामुळे फळांची प्रत सुधारते. वेलीवर कीटकनाशक अथवा बुरशीनाशकाची फवारणी करणे सुलभ होते.

Thursday, April 03, 2014 AT 05:45 AM (IST)

- कुणाल डुंबरे, श्रीगोंदा, जि. नगर कस्तुरी भेंडी लागवडीसाठी चांगली निचऱ्याची जमीन निवडावी. चिकणमातीयुक्त दलदलीची जमीन या पिकाला मानवत नाही. जमिनीचा सामू 6 ते 8.5च्या दरम्यान असावा. योग्य मशागत करून जमिनीत शेणखत मिसळावे. लागवड खरीप हंगामात 45 बाय 20 सें. मी. अंतराने करावी. पेरणीसाठी प्रति हेक्‍टरी सहा ते आठ किलो बी पुरेसे होते. पेरणीच्या वेळी जमिनीत ओलावा नसल्यास पाणी द्यावे. बी सात ते 10 दिवसांत उगवते.

Thursday, April 03, 2014 AT 05:45 AM (IST)

- विशाल काकडे, वसमतनगर, जि. हिंगोली अनेक पिकांच्या उत्पादनवाढीमध्ये मधमाश्‍यांचा महत्त्वाचा वाटा आहे. परपरागीकरणासाठी मधमाश्‍या उपयोगी पडतात. मधमाश्‍यांचा उपयोग मध आणि मेण उत्पादनासाठी होतो. मधमाशीपालन हा शेतीसीठी पूरक व्यवसाय होऊ शकतो. याविषयी अधिक माहितीसाठी आपण संचालक, केंद्रीय मधमाशी संशोधन आणि प्रशिक्षण संस्था, गणेशखिंड रोड, पुणे (020 - 25655351) यांच्याशी संपर्क साधावा.

Thursday, April 03, 2014 AT 05:45 AM (IST)

शिवाजी ढाकणे, मु. चास, जि. नाशिक कृषी विज्ञान केंद्र, बारामती येथील कनिष्ठ संशोधन सहायक बाळासो मोटे यांनी टोमॅटो लागवडीबाबत दिलेली माहिती ः बारामती येथील कृषी विज्ञान केंद्रातर्फे टोमॅटोमध्ये पॉलिथिन आच्छादनासंदर्भात प्रात्यक्षिके घेण्यात आली आहेत. यासाठी चार फूट रुंदीचे व 30 मायक्रॉन जाडीचे चंदेरी काळ्या रंगाचे आच्छादन पेपर वापरण्यात आला. जमिनीच्या योग्य मशागतीनंतर शिफारशीत खतमात्रेचा वापर करून गादीवाफे तयार करावेत.

Thursday, April 03, 2014 AT 05:30 AM (IST)

- गोपाळ गुरव, रत्नागिरी नारळ, सुपारी बागेतील नैसर्गिक सावलीमध्ये वेलदोड्याची लागवड फायदेशीर ठरते. वेलदोडा रोपे पाण्याचा ताण अजिबात सहन करू शकत नाहीत म्हणून जमिनीत नियमित ओलावा राहील याची काळजी घ्यावी. सूक्ष्म तुषार सिंचनाने पाणी दिल्यास झाडांची वाढ झपाट्याने होते, तसेच पाण्याचा अपव्ययही टळतो. झाडाच्या बुंध्याजवळ पाणी देण्यासाठी आळे करू नये. त्यामध्ये पाणी साचून मुळे कुजतात. या झाडास उष्ण हवामान, तसेच जोरदार वारा सहन होत नाही.

Wednesday, April 02, 2014 AT 05:15 AM (IST)

  - श्रीकांत यादव, फलटण, जि. सातारा निकृष्ट प्रतीच्या चाऱ्याचे, उत्तम प्रतीच्या दुधात रूपांतर करण्याची क्षमता म्हशींमध्ये अधिक असल्याने सध्या अधिक दुग्धोत्पादनासाठी म्हशी पाळणे किफायतशीर आहे. म्हशींच्या जाती  - मुऱ्हा - उत्तर भारतात, तसेच महाराष्ट्रात ही जात आढळते. शरीरबांधा मोठा, भारदस्त व कणखर असतो. एका वेतातील दुधाचे प्रमाण 1800 ते 2000 लिटर असते. त्यात गाईच्या दुधापेक्षा स्निग्धांश जास्त असतो.

Wednesday, April 02, 2014 AT 05:15 AM (IST)

  गुरुदास लोखंडे, गडहिंग्लज, जि. कोल्हापूर, उसाच्या वाढीसाठी रासायनिक खतांचा कार्यक्षमपणे वापर होण्यासाठी मध्यवर्ती ऊस संशोधन केंद्र, पाडेगाव येथे प्रयोग घेण्यात आले. त्यामध्ये पहारीसारख्या अवजाराच्या साह्याने खते दिल्यास इतर पद्धतींपेक्षा अधिक ऊस उत्पादन व आर्थिक फायदा झाल्याचे दिसून आले. या पद्धतीत खतमात्रा दोन समान हप्त्यांत द्यावी लागते.

Tuesday, April 01, 2014 AT 05:45 AM (IST)

वैभव जाधव, हिंगोली अस्कॅरीस व्हिटूलोरम हा 10- 15 सें. मी. लांबीचा गोलाकार कृमी आहे. याचा प्रादुर्भाव गर्भाशयामध्येच होतो किंवा जन्मल्यानंतर होऊ शकतो. वासराच्या जन्मानंतर पूर्ण कृमी आतड्यामध्ये तयार होतात. हा कृमी शेळी- मेंढीच्या करडांमध्ये आढळत नाही. हा कृमी वासरांच्या पचनसंस्थेस हानी पोचवितो, अन्नद्रव्य शोषण करतो. आतड्याच्या संभाव्य हालचालींमध्ये बाधा आणतो. अन्नद्रव्यांचे पचन योग्य पद्धतीने न झाल्याने वासराचा मृत्यू होतो.

Tuesday, April 01, 2014 AT 05:30 AM (IST)

सुरेश तांदळे, मायणी, जि. सांगली दुधाची किंमत स्निग्धांशावर किंवा मलईवर अवलंबून असल्याकारणाने दुधाचे अर्थकारण स्निग्धांशाच्या भोवतीच फिरते, म्हणून दुधातील स्निग्धांश कसा वाचविता येईल व अधिक फायदा कसा घेता येईल, याकडेच सर्व दुग्धप्रक्रिया उद्योगांचे लक्ष लागलेले असते. दुधातील स्निग्धांश वेगळे करण्यासाठी दूध प्रक्रिया उद्योगात क्रीम अथवा मलई सेपरेटर वापरतात.

Tuesday, April 01, 2014 AT 04:45 AM (IST)

  सुरेश पाटील, पाल, जि. जळगाव - अश्‍वगंधाची लागवड खरीप हंगामात करावी. लागवडीसाठी मध्यम, पोयट्याची, उत्तम निचऱ्याची जमीन निवडावी. लागवडीपूर्वी जमिनीत चांगले कुजलेले शेणखत मिसळावे. रोपे तयार करून त्यांची लागवड करावी. सपाट वाफ्यात 60 सें.मी. बाय 30 सें.मी अंतराने लागवड करावी. पुष्पकोष पिवळे व फळे तांबूस झाल्यावर काढणी केली जाते. फळे काढून वाळवून बी काढावे. 160 ते 180 दिवसांनी मुळ्यांची काढणी करून प्रतवारी करावी. मुळ्या चांगल्या वाळवाव्यात.

Monday, March 31, 2014 AT 06:15 AM (IST)

महेश साटम, टाळसुरे, जि. रत्नागिरी पाण्याचा निचरा होणाऱ्या सर्व जमिनींत, जांभा दगडापासून तयार झालेल्या वरकस जमिनीत काजूचे पीक चांगले येते. लागवडीसाठी वेंगुर्ला- 1, वेंगुर्ला- 4, वेंगुर्ला- 6, वेंगुर्ला- 7, वेंगुर्ला- 8 या जातींची कलमे निवडावीत. लागवड करण्यासाठी एप्रिल - मे महिन्यात 7 मीटर बाय 7 मीटर किंवा 8 मीटर बाय 8 मीटर अंतर ठेवून 60 बाय 60 बाय 60 सें.मी. आकाराचे खड्डे खणावेत.

Monday, March 31, 2014 AT 05:45 AM (IST)

आर. एम. मिसाळ, मालदाड, जि. नगर घटसर्प  - हा तीव्र स्वरूपाचा संसर्गजन्य रोग आहे. या रोगाचे जंतू अशुद्ध पाणी- चाऱ्याद्वारे शरीरात प्रवेश करतात. हा रोग म्हशी आणि गाईंमध्ये आढळून येतो. हा रोग सहसा पावसाळ्यात होतो. रोगाच्या प्रादुर्भावामुळे गळ्याखालचा भाग सुजलेला दिसतो. जनावरांना ताप येतो. नाकातून पाणी येते, डोळे लाल होतात, श्वसननलिकेस सूज येते. जनावरांना श्‍वास घेण्यास त्रास होतो. ते तोंडाने श्वास घेऊ लागतात. त्यांच्या घशात घरघर आवाज येतो.

Monday, March 31, 2014 AT 05:30 AM (IST)

दिगंबर लोंढे, इंदापूर, जि. पुणे अळूच्या लागवडीसाठी भरपूर सेंद्रिय पदार्थ असणारी मध्यम ते भारी, चांगल्या निचऱ्याची जमीन निवडावी. जमिनीची योग्य मशागत करून जमीन तयार करावी. लागवड जून- जुलै किंवा सप्टेंबर- ऑक्‍टोबर महिन्यात करावी. भाजीच्या अळूसाठी मुक्ताकेशी, झांकारी या जाती निवडाव्यात. भाजीच्या अळूची लागवड 60 सें.मी. बाय 45 सें. मी. अंतरावर करावी. वडीच्या अळूसाठी कोकण हरितपर्णी या जातीची लागवड 90 सें.मी. बाय 90 सें.मी. अंतराने करावी.

Monday, March 31, 2014 AT 05:30 AM (IST)

संकेत स्थळ  - www.iari.res.in भारतीय कृषी संशोधन परिषद या संस्थेची स्थापना 1905 मध्ये बिहारमधील पुसा येथे झाली. 29 जुलै 1936 मध्ये ही संस्था दिल्ली येथे स्थलांतरित करण्यात आली. देशातील कृषी आणि कृषिपूरक उद्योगांतील संशोधन, शिक्षण आणि तंत्रज्ञान प्रसारामध्ये या संस्थेचा महत्त्वाच सहभाग आहे.

Saturday, March 29, 2014 AT 05:30 AM (IST)

- कलिंगडाची काढणी 23 मार्चपासून सुरू झाली आहे. आतापर्यंत तीन एकरांतून 45 टन कलिंगडाचे उत्पादन झाले आहे. साधारण फळाचे वजन चार ते दहा किलो एवढे भरले आहे. ही कलिंगडे दुबईमध्ये व्यापाऱ्यामार्फत पाठविली आहेत. जागेवरच प्रति किलोस दर सात रुपये मिळाला आहे. - निर्यात करताना कलिंगडाची फळे पिकण्याच्या टप्प्यात असावी लागतात. त्यासाठी शेवटच्या काळात पोटॅशयुक्त खते न देता स्फुरदयुक्त खते दिली. त्यामुळे कलिंगडाचा फक्त आकार वाढला.

Friday, March 28, 2014 AT 05:45 AM (IST)

 
 
About Us | Contact Us | Ad Rate Card | RSS
© Copyrights 2014 Agrowon.com - All rights reserved.
of
Powered By: