Last Update:
 
ऍग्रो व्हिजन
मधमाश्यांच्या अळ्यांची काळजी घेणाऱ्या कामकरी माशा स्वतःच्या ग्रंथीतील द्रव मिसळून खास अन्न (रॉयल जेली) अळ्यांसाठी तयार करतात. मात्र, निओनिकोटीनॉइड वर्गातील कीडनाशकांच्या संपर्कामुळे कामकरी माश्यांच्या या ग्रंथी अॅसिटीलकोलाइन ऐवजी निकोटिनिक अॅसिटीलकोलाइन तयार करू लागतात. पर्यायाने मधमाश्यांच्या पिलांच्या मरतुकीचे प्रमाण वाढत असल्याचे जर्मनीमध्ये नुकत्याच झालेल्या संशोधनात दिसून आले आहे. हे संशोधन ‘प्लॉसवन जर्नल’मध्ये प्रकाशित करण्यात आले आहे.

Wednesday, August 31, 2016 AT 05:30 AM (IST)

पंजाब कृषी विद्यापीठाने गहू आणि सेलेरी या पालेभाजीच्या नव्या जाती विकसित केल्या आहेत. या जातींना राज्यामध्ये प्रसारासाठी नुकतीच मान्यता देण्यात आली. नुकत्याच पार पडलेल्या राज्यातील वाण मान्यता समितीमध्ये नव्याने विकसित झालेल्या गहू आणि सेलेरी जातींच्या गुणधर्म आणि वैशिष्ठ्याबाबत चर्चा करण्यात आली. या समितीच्या अध्यक्षस्थानी पंजाब राज्याचे कृषी संचालक जसबीरसिंग बायन्स होते.

Saturday, August 27, 2016 AT 06:45 AM (IST)

शेती आणि पशुपालनातून उत्सर्जित होणाऱ्या हरितगृह वायूचे प्रमाण कमी करण्यासाठी शेणामध्ये राहणारे किडे महत्त्वाची भूमिका बजावू शकत असल्याचे हेलसिंकी विद्यापीठातील संशोधकांना आढळले आहे. हे संशोधन ‘प्लॉस वन जर्नल’मध्ये प्रकाशित करण्यात आले आहे.  पशुपालन हा जागतिक पातळीवरील सर्वांत जुना शेतीपूरक व्यवसाय मानला जातो. या पशूंच्या पचनसंस्थेमधील हवारहित स्थितीमध्ये जिवाणूकडून अन्नावर होणाऱ्या प्रक्रियेत मिथेन वायू तयार होतो.

Saturday, August 27, 2016 AT 05:45 AM (IST)

कीड व रोगांच्या प्रादुर्भावामुळे तांदूळ किंवा अन्य धान्याचे साठवणीमध्ये होणारे नुकसान पर्यावरणपूरक पद्धतीने रोखण्यासाठी आंतरराष्ट्रीय संशोधकांचा गट पोर्तुगाल येथील संशोधन संस्थेमध्ये संशोधन करीत आहे. त्यांनी साठवणीतील कीडनियंत्रणाच्या विविध पद्धतींच्या चाचण्या घेतल्या आहेत. त्यातून निवडलेल्या तीन पद्धतींचा प्रसार विकसनशील देशामध्ये करण्यात येणार आहे.

Friday, August 26, 2016 AT 06:00 AM (IST)

कर्बवायूच्या वापरातून ऊर्जा मिळविण्यासाठी खास तंत्रज्ञान कॉर्नेल विद्यापीठातील संशोधकांनी विकसित केले आहे. हे ऑक्सिजन आधारित अॅल्युमिनिअम आणि कार्बन डाय ऑक्साईड पॉवर सेल तंत्रज्ञान पर्यावरणपूरकतेसोबतच विद्युत ऊर्जा मिळवून देणार आहे. हे संशोधन ‘सायन्स अॅडव्हान्सेस’ या संशोधन पत्रिकेमध्ये प्रकाशित केले आहे.  गेल्या काही वर्षांमध्ये कर्बवायूंच्या उत्सर्जनाचे प्रमाण कमी करण्यासाठी सातत्याने प्रयत्न होत आहेत.

Tuesday, August 23, 2016 AT 06:00 AM (IST)

अमेरिकेतील कॅलिफोर्निया बर्कले विद्यापीठातील संशोधकांनी धुळीच्या कणांच्या आकाराचा बॅटरीरहित सेन्सर विकसित केला आहे. तो शरीरात बसवल्यानंतर रक्तवाहिन्या, शिरा, स्नायू किंवा अवयवातील माहिती गोळा करून पाठविण्याचे काम करेल. हे संशोधन ‘न्युरॉन जर्नल’ मध्ये प्रकाशित करण्यात आले आहे. सामान्यतः सेन्सर योग्य प्रकारे कार्य करण्यासाठी ऊर्जा आवश्यक असते. सेन्सरचा काही भागच केवळ माहितीच्या संकलनाचा काम करतो, उर्वरित भाग इलेक्ट्रॉनिक घटकांचा असतो.

Tuesday, August 23, 2016 AT 05:00 AM (IST)

नैसर्गिकरीत्या उपलब्ध असणारे रॉक फॉस्फेट हे खनिजाच्या उपलब्धतेवर भविष्यात मर्यादा येणार आहेत. त्यामुळे स्फुरदयुक्त खतासाठी शाश्वत पर्याय म्हणून उष्णता प्रक्रिया केलेल्या मैलाखतांचा वापर अत्यावश्यक ठरणार असल्याचे मत मादागास्कर (आफ्रिका) येथील संशोधकांनी व्यक्त केले. या विषयीचे संशोधन नुकतेच ‘फ्रंटियर्स इन न्युट्रिशन’मध्ये प्रकाशित झाले आहे.  स्फुरदाच्या कार्यक्षम वापर व पुनर्वापर ही काळाची गरज आहे.

Monday, August 22, 2016 AT 06:00 AM (IST)

लहान मधमाश्यांच्या पचनसंस्थेमध्ये जीवाणू असत नाहीत. ते त्यांच्या पचनसंस्थेमध्ये सोडून मधमाश्यांच्या आरोग्य आणि त्यांच्यावरील परजीवींवर होणाऱ्या परिणामांचा अभ्यास अमेरिकी कृषी विभागातील संशोधकांनी टेक्सास विद्यापीठातील प्रा. नॅन्सी मोरॉन यांच्यासह केला आहे. हे संशोधन ‘प्रोसिडिंग्ज ऑफ द नॅशनल अॅकॅडमी ऑफ सायन्सेस’ मध्ये प्रकाशित करण्यात आले आहे.

Friday, August 19, 2016 AT 06:45 AM (IST)

केळी पिकामध्ये नुकसानकारक ठरणाऱ्या सिगाटोका रोगासाठी कारणीभूत असलेल्या तीन बुरशी प्रजातींच्या गटाची ओळख पटविण्यात कॅलिफोर्निया विद्यापीठ व नेदरलॅंड येथील संशोधकांना यश आले आहे. त्याच प्रमाणे वॅगेनिंगन विद्यापीठातील संशोधकांच्या नेतृत्त्वाखालील आंतरराष्ट्रीय संशोधक गटाने या बुरशीची जनुकीय माहितीचे विश्लेषण करून, तुलनात्मक अभ्यास केला आहे. ही दोन्ही संशोधने ‘प्लॉसवन जेनेटिक्स’ मध्ये नुकतीच प्रकाशित करण्यात आली आहेत.

Wednesday, August 17, 2016 AT 04:45 AM (IST)

चीन व रशियातील शेतीमालाची आयात-निर्यात सुलभ होण्यासाठी शीत कंटेनर असलेली पहिली ट्रेन नुकतीच सुरू करण्यात आली. दोन देशातील प्रदीर्घ अंतरामुळे प्रवासासाठी लागणारा वेळही नव्या मार्गामुळे ६० टक्क्याने कमी होणार आहे. त्याचा फायदा लवकर खराब होणाऱ्या शेतीमालासाठी होणार आहे. ईशान्य चीन येथील डॅलिन येथून ८ ऑगस्ट रोजी तिने मॉस्कोला प्रयाण केले. या दोन्ही स्टेशनमधील अंतर हे ८६०० किमी असून, तिला पोचण्यासाठी दहा दिवस लागतील.

Saturday, August 13, 2016 AT 06:15 AM (IST)

ऑस्ट्रेलियामध्ये मिरची पिकावर कोलेटोट्रिकम बुरशीच्या चार नव्या प्रजातींचा प्रादुर्भाव झाल्याचे स्पष्ट झाले आहे. ऑस्ट्रेलियात आजवर न आढळलेल्या या प्रजाती असून, त्यांचा प्रादुर्भाव रोखण्यासाठी प्रयत्न केले जात आहे. त्यामुळे देशांच्या देशाच्या निर्जंतुकीकरण आणि रोग प्रतिकारकतेसाठी घेतल्या जात असलेल्या प्रयत्नांना धक्का बसला आहे. हे संशोधन ‘जर्नल प्लॅंट पॅथोलॉजी’मध्ये प्रकाशित झाले आहे.

Friday, August 12, 2016 AT 05:15 AM (IST)

सेंद्रिय इलेक्ट्रॉनिक उपकरणे विकसित करण्यासाठी आवश्यक मूलद्रव्यांचा शोध रशिया आणि जर्मनीतील संशोधकांनी घेतला असून, लवकरच सेंद्रिय इलेक्ट्रॉनिक उपकरणे विकसित करणे शक्य होणार आहे. हे संशोधन ‘अॅडव्हान्स मटेरियल्स’ या संशोधनपत्रिकेमध्ये प्रकाशित करण्यात आले आहे.  रशिया येथील लोमोनोसोव्ह मॉस्को स्टेट युनिव्हर्सिटी आणि डेर्सन (जर्मनी) येथील इस्टिट्यूट ऑफ पॉलिमर रिसर्च येथील संशोधकांना (३) - रेडिअलीनचे एक सेंद्रिय मूलद्रव्य आढळले आहे.

Wednesday, August 10, 2016 AT 06:15 AM (IST)

भातापासून आर्द्रता वाढवणारे मलम (मॉयश्चरायझिंग क्रिम), टाचातील भेगा कमी करणारे मलम आणि वेदनाशामक बाम तयार करण्यामध्ये भारतीय भात संशोधन संस्था (आयआयआरआर) यांना यश आले आहे. या उत्पादनामध्ये भात तुसापासून मिळवलेल्या तेलातील ई जीवनसत्त्वाचा वापर करण्यात आला आहे.  जेल स्वरुपातील मलम आणि वेदनाशामक बाम निर्मितीसाठी आयटीसीसारख्या आंतरराष्ट्रीय कंपन्या सरसावल्या आहेत.

Wednesday, August 10, 2016 AT 04:30 AM (IST)

गतवर्षाच्या तुलनेत वाढ धरणांमध्ये ८३८.८३ टीएमसी पाणीसाठा पुणे - घाटमाथ्यासह मध्य महाराष्ट्रातील धरणांच्या पाणलोटामध्ये ऑगस्ट महिन्यात झालेल्या दमदार पावसामुळे धरणांच्या पाणीसाठ्यात मोठी वाढ झाली आहे. गत नऊ दिवसांत राज्यातील धरणांमध्ये तब्बल २५५ टीएमसी पाणी वाढले आहे. राज्यातील मोठे, मध्यम आणि लहान २५९९ प्रकल्पांमध्ये ३१ जुलै रोजी असलेला ५८३.८३ टीएमसी (४४ टक्के) पाणीसाठा सोमवारपर्यंत (ता. ८) ८३८.८३ टीएमसीवर (६२ टक्के) पोचला आहे.

Tuesday, August 09, 2016 AT 05:45 AM (IST)

शेतीमध्ये विविध नैसर्गिक कारणामुळे पिकांचे नुकसान होत असते. त्याचे सर्वेक्षण त्वरेने होणे आवश्यक असते. अशा वेळी कृषी व महसूल विभागाची यंत्रणा तोकडी पडते. त्यामध्ये मानवी चुका किंवा त्रुटी राहू शकतात. हे टाळण्यासाठी भारतीय कृषी संशोधन संस्था (आयएआरआय) भारतीय बनावटीचे ड्रोन (मानवरहित छोटे विमान) विकसित करत आहे. त्यामुळे सर्वेक्षणाचे काम अचूक व वेगवान होण्यास मदत होईल.

Tuesday, August 09, 2016 AT 05:15 AM (IST)

अमेरिकेतील संशोधकांनी जैविक घटकापासून मिळवलेल्या धाग्यांचे कापड विकसित केले असून, ते विघटनशील आहे. त्यातून पर्यावरणपूरकतेबरोबरच प्लॅस्टिक आच्छादनाचे पिकामध्ये मिळणारे सर्व फायदे मिळतात.  प्लॅस्टिक मल्चिंग (आच्छादन)चे फायदे विविध पिकांमध्ये दिसून आल्याने त्यांचा वापर कृषी क्षेत्रामध्ये वेगाने वाढत आहे. मात्र, या प्लॅस्टिकचे विघटन होत नसल्याने पर्यावरणाच्या समस्येमध्ये भर पडत आहे.

Friday, August 05, 2016 AT 04:00 AM (IST)

गुंतागुंतीच्या आजारावर मात करण्यासाठी ठरेल उपयुक्त ऑस्ट्रेलियातील आहारशास्त्रज्ञ प्रा. डेव्हिड रौबनहेमन आणि प्रा. स्टिफन सिम्पसन यांनी ‘न्युट्रीशनल जियोमेट्री’ (पोषकतेची भूमिती) ही संकल्पना मांडली असून, अत्यंत गुंतागुंतीच्या मानल्या जाणाऱ्या स्थौल्यत्व आणि संबंधित आजारावर आहाराच्या माध्यमातून मात करण्यासाठी उपयुक्त ठरणार असल्याचा दावा त्यांनी केला आहे.

Thursday, August 04, 2016 AT 04:15 AM (IST)

पूर्व आफ्रिकेत किडीच्या उद्रेकाची भविष्यात शक्यता बदलत्या तापमानानुसार पूर्व आफ्रिकेमध्ये मका पिकावर दोन प्रकारच्या अळ्यांचा प्रादुर्भाव वेगाने वाढला आहे. या किडीने वातावरणातील बदलानुसार अनुकूलन करून घेतले असून, त्यामुळे भविष्यात मका उत्पादनामध्ये घट येऊ शकते.  पूर्व आफ्रिकेमध्ये मका हे मुख्य खाद्यपीक असून, त्यावर फुलपाखरांच्या ब्युस्सेओला फ्युस्का (Busseola fusca) आणि चिलो पार्तेलस (Chilo partellus) या दोन प्रजाती आढळतात.

Wednesday, August 03, 2016 AT 06:00 AM (IST)

मध्य पूर्वेतील अल इन डेअरीमध्ये असलेली एक गाय प्रति दिन १०० लिटर दूध देते. ही मध्यपूर्वेतील सर्वाधिक दूध देणाऱ्या गायींपैकी एक आहे. अल इन डेअरी ही मध्यपूर्वेतील सर्वांत मोठी डेअरी असून त्यात ६००० दुधाळ गायींचे संगोपन केले जाते. अल इन डेअरीच्या प्रतिनिधीने दिलेल्या माहितीनुसार, त्यांच्या गोठ्यातील ४३०७ या क्रमांकाचा इअरटॅग असलेली गाय त्यांच्या फार्ममध्ये सर्वाधिक म्हणजेच १०० लिटर प्रति दिन दूध देते.

Tuesday, August 02, 2016 AT 05:30 AM (IST)

कॅनडा येथील ओकॅगंन भागातील द्राक्षउत्पादक विभागामध्ये मातीचा दर्जा अत्यंत वेगाने घसरत असल्याचा निष्कर्ष ब्रिटीश कोलंबिया विद्यापीठातील संशोधकांनी काढला आहे. येथील १५ पेक्षा अधिक द्राक्षबागेतील माती नमुन्यांचे गेल्या तीन वर्षांमध्ये केलेल्या परीक्षण व विश्लेषणावर आधारित हा निष्कर्ष आहे. हे संशोधन ‘ॲप्लाइड सॉइल इकॉलॉजी’मध्ये प्रकाशित करण्यात आले आहे.  कॅनडा येथील युनिव्हर्सिटी ऑफ ब्रिटीश कोलंबिया (ओकॅगंन) येथील जीवशास्त्राच्या प्रा.

Monday, August 01, 2016 AT 09:15 AM (IST)

राज्यात दाेन पशुवैद्यक महाविद्यालये स्थापनेचा प्रस्ताव आणि स्थापित सर्व पाच पशुवैद्यक महाविद्यालयांत प्रवेश क्षमतेत प्रचंड वाढ करून पुराेगामी महाराष्ट्र पशुवैद्य शिक्षण क्षेत्रात विकासाची ‘दिवाळी’ करणार असला, तरी दर्जेदार पशुवैद्यक सेवेसाठी अपेक्षित असणाऱ्या पशुपालकांच्या गाेठ्यातील पेटलेली ‘हाेळी़’ शांत हाेणार कधी हा प्रश्‍न अनुत्तरीत आहे.

Monday, August 01, 2016 AT 04:15 AM (IST)

पिकांमध्ये किंवा सभोवती असलेल्या उपयुक्त जिवाणू समुदायांमध्ये योग्य ते बदल करून अधिक उत्पादन मिळवणे शक्य असल्याचे ड्युक विद्यापीठामध्ये झालेल्या अभ्यासात पुढे आले आहे. त्यासाठी पिकांच्या स्नायूमध्ये सहजतेने जाऊन त्यांच्या वाढीसाठी मदत करणाऱ्या खास सूक्ष्मजीवांची पैदास करण्याकडे संशोधकांनी मोहरा वळवला आहे. हे संशोधन ‘नेचर कम्युनिकेशन्स’ मध्ये प्रकाशित करण्यात आले आहे.

Friday, July 29, 2016 AT 05:15 AM (IST)

मध आणि मेण मिळविण्यासाठी आफ्रिकेतील माणसे व जंगली पक्षी यांच्यामध्ये अनेक वेळा स्पर्धा होते. मात्र, आफ्रिकेतील एक जंगली पक्षी स्थानिक जातीच्या माणसांना मधमाशांच्या पोळ्यापर्यंत घेऊन जाण्याचे काम करत असल्याचे दिसून आले आहे. हे निष्कर्ष त्यांनी ‘सायन्स’ या संशोधन पत्रिकेमध्ये प्रकाशित केले आहे. पूर्वापारपासून कुत्रे, ससाणा आणि करढोक पक्ष्यांचे सहकार्य माणसांनी शिकारीसाठी घेतले आहे. पण हे पक्षी किंवा प्राणी पाळलेले असतात.

Tuesday, July 26, 2016 AT 04:45 AM (IST)

अमेरिकेत नवीन ‘फूड प्रिंट’ विकसनाचा प्रयत्न अमेरिकेमध्ये पोषक आणि संतुलित आहाराच्या पूर्तीसाठी, आहार उपलब्ध होण्यासाठी आवश्यक जमिनीचे प्रमाण मिळविण्याचा प्रयत्न नव्या ‘फूड प्रिंट’अंतर्गत करण्यात आला आहे. आहारात योग्य ते बदल केल्यास सध्या उपलब्ध असलेल्या जमिनीमध्ये लक्षणीयरीत्या अधिक लोकांसाठी खाद्य उपलब्ध होऊ शकते. हे निष्कर्ष ‘इलेमेंटा’ या संशोधनपत्रिकेमध्ये प्रकाशित करण्यात आले आहेत.

Monday, July 25, 2016 AT 07:00 AM (IST)

मिगरॉस ही स्वीत्झरलॅंडमधील अन्न प्रक्रिया उद्योग, सुपर मार्केटमध्ये काम करणारी एक नामांकित रिटेल कंपनी आहे. या कंपनीमार्फत फळे, भाजीपाला व ब्रेडच्या पॅकेजिंगसाठी व्हेजी बॅग्ज विकसित करण्यात अाल्या अाहेत. या व्हेजी बॅग वजनाने हलक्या असून, धुऊन स्वच्छ करून या पिशव्यांचा पुनर्वापर करता येतो. त्यामुळे प्लॅस्टिक बॅगच्या वापरावर काही प्रमाणात पायबंद बसेल.  एकट्या स्वीत्झरलॅंडमध्ये २४० मिलीअन प्लॅस्टिक पिशव्यांचा वापर केला जातो.

Saturday, July 23, 2016 AT 07:15 AM (IST)

सदाफुलीसारख्या काही जातींमध्ये उच्च रक्तदाब व मानसिक आजारावर उपयुक्त ठरणारी व औषधी गुणधर्म असलेली रसायने तयार होतात. ती वनस्पतीमध्ये नेमकी का व कशी तयार होतात, याविषयीचे संशोधन जॉन इन्स सेंटर येथील संशोधकांनी केले आहे. या संशोधनामुळे नवी किंवा अधिक कार्यक्षम औषधे तयार करणे शक्य होणार आहे. हे संशोधन ‘नेचर कम्युनिकेशन्स’मध्ये प्रकाशित करण्यात आले आहे.  वनस्पतीच्या एका गटामध्ये हेटेरोयोहीम्बाईन्स ही संयुगे नैसर्गिकरीत्या तयार होतात.

Wednesday, July 20, 2016 AT 05:45 AM (IST)

‘आनंदाच्या डोही आनंद तरंग’ हा अभंग माहिती नाही असा माणूस महाराष्ट्रामध्ये तरी विरळाच! आनंदपूर्ण गाईकडून अधिक पोषक दूध मिळते असे सांगितले, तर तुम्हाला उगीचच आध्यात्मिक काही सांगतोय असे वाटू शकेल पण तसे नाही. होलस्टिन जातीच्या गायी व जर्सी गायींवर युरोपमध्ये नुकत्याच झालेल्या अभ्यासामध्ये हे तथ्य समोर आले आहे.

Tuesday, July 19, 2016 AT 05:30 AM (IST)

‘कार्नेजी इन्स्टिट्यूट फॉर सायन्स’ येथील संशोधकांनी दुष्काळी स्थितीमध्ये तग धरून राहण्यासाठी गवते वापरत असलेल्या पद्धतीवर संशोधन केले आहे. त्याचा फायदा अन्य पिकांच्या दुष्काळी स्थितीतील उत्पादनवाढीसाठी होऊ शकतो. हे संशोधन ‘प्रोसिडिंग्ज ऑफ दी नॅशनल अॅकॅडमी ऑफ सायन्सेस’ मध्ये प्रकाशित झाले आहे.  बहुतांश वनस्पती या त्यांच्या मुळाद्वारे पाणी घेतात. वनस्पतीच्या प्रकारानुसार वेगवेगळ्या प्रकारची मुळे असतात.

Saturday, July 16, 2016 AT 04:15 AM (IST)

स्वीडनमध्ये सर्व प्रकारच्या अन्नपदार्थांच्या पॅकेजिंगवर आहारविषयक शिफारशींचा वापर करण्यास परवानगी मिळाली आहे. त्यामुळे लोकांमध्ये आरोग्याविषयी जागरूकता निर्माण होण्यास मदत होईल.    सध्या काही कंपन्या आपली उत्पादने ही आरोग्यपूर्ण असल्याचे सांगण्यासाठी पॅकेजिंगवर तशा शिफारशी छापतात. मात्र, यापुढे केवळ स्वीडनच्या ‘नॅशनल फूड एजन्सी’च्या अधिकृत शिफारशीच अन्नपदार्थ उत्पादक कंपन्यांना पॅकेजिंगवर वापरता येणार आहेत.

Friday, July 15, 2016 AT 06:15 AM (IST)

हिमालयीन राज्यातील मत्स्य विभाग, कृषी विज्ञान केंद्रे, स्वयंसेवी संस्था आणि विद्यापीठे यांनी महासीर मत्स्यपालन आणि त्याची पैदास करण्यासाठी एकत्रितरीत्या प्रयत्न करण्याची आवश्यकता असल्याचे मत भारतीय कृषी संशोधन संस्थेचे (ICAR-DCFR) संचालक डॉ. ए. के. सिंग यांनी व्यक्त केले. ते भीमताल (नैनीताल) येथे पार पडलेल्या महासीर पैदास व उबवण व्यवस्थापनाविषयक सहादिवसीय प्रशिक्षण कार्यक्रमावेळी बोलत होते.

Friday, July 15, 2016 AT 04:15 AM (IST)

शेतकऱ्यांच्या कंपनीने उतरवली खास दूध उत्पादने इंग्लंडमधील शेतकऱ्यांची कंपनी ‘अरला फूडस अंबा’ यांनी ‘अरला फार्मर्स मिल्क’ बाजारात उतरवले आहे. या दुधाची किंमत २५ पेन्स किंवा ३२ सेंट प्रति युनिट अधिक ठेवण्यात आली आहे. हे अधिकचे पैसे सरळ शेतकऱ्यांना मिळणार आहेत. १२ जुलैपासून यॉर्कशायरमध्ये आणलेल्या या खास शेतकरी उत्पादनासाठी ग्राहकांनीही मोठी पसंती दर्शवली आहे.

Thursday, July 14, 2016 AT 05:30 AM (IST)

 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: