Last Update:
 
फुलोरा
गावातील शाळेतील मुले राज्याचा इतिहास शिकतात. देशाचाही पुढे इतिहास शिकतात. त्याची गरज आहे. पण मुलांना आपल्या गावचाही इतिहास ठाऊक नसतो. आपल्याकडे इतिहास लिहून ठेवण्याची पद्धत नव्हती. त्याची गरजही वाटत नसावी. त्यातून पूर्वी खेड्यातून शिक्षणाचाही प्रसार झाला नव्हता. हे खरं असलं, तरी गावचा इतिहास लिहिण्याची काही साधने आहेत. त्यातील एक मौखिक परंपरा आहे. एका पिढीकडून दुसऱ्या पिढीला गावाविषयी माहिती सांगितली जात असते.

Saturday, July 02, 2016 AT 07:30 AM (IST)

आमच्या परिसरात जवळपास सगळ्या गावात पाणीटंचाई आहे. त्यांचा बहुतेक वेळ पाण्याचा टँकर कधी येतो याची वाट पाहण्यातच जातो. पावसाचा जसा भरवसा नाही तसा टँकर कधी येईल हे काही कोणी सांगू शकत नाही. त्यामुळे पिण्याचे पाणी मिळावे यासाठी जेथे पाणी आहे, त्या ठिकाणी गावकरी पायपीट करतात. निसर्गामुळे ही परिस्थिती निर्माण झाली आहे, ही खरी गोष्ट आहे. परंतु सध्याच्या परिस्थितीला आपण थोडे जबाबदार आहोत.

Friday, July 01, 2016 AT 08:45 AM (IST)

सहा मुलांपैकी कोणीतरी एकाने शेतीकडे लक्ष द्यावे, अशी वडिलांची इच्छा आहे. शेती बावीस एकर एका ठिकाणी आहे. दोन विहिरी आहेत. विहिरीला पाणी चांगलं आहे. सगळ्या मुलांनी शेतीकडे लक्ष देणे गरजेचे नाही. पण एक आहे ज्याला आवड असेल तोच लक्ष घालू शकतो. आपल्या मुलांना चांगलं शिक्षण मिळावं या विषयी वडील दक्ष होते. याचे कारण त्यांची शिकलेल्या लोकात ऊठबस होती. बरीच वर्षे गावचे सरपंच होते.

Wednesday, June 29, 2016 AT 05:45 AM (IST)

कोल्ड स्प्रिंग हार्बर लॅबोरेटरी येथील संशोधकांनी केलेल्या संशोधनामध्ये मका पिकातील जनुके तयार करत असलेल्या प्रथिनांच्या प्रचंड वैविध्यांबाबत प्रथमच माहिती उपलब्ध झाली आहे. त्यामुळे मक्याच्या जनुकिय विश्लेषणावर अधिक काम करण्याची आवश्यकता समोर आली आहे. हे संशोधन ‘नेचर कम्युनिकेशन्स’ या संशोधनपत्रिकेमध्ये प्रकाशित करण्यात आले आहे.    मका हे पीक हे भात आणि गहू पिकांनंतर तिसरे महत्त्वाचे खाद्यपीक आहे.

Tuesday, June 28, 2016 AT 06:00 AM (IST)

शेतावर निघालो होतो. पाण्याची पाळी होती. पाटाचं पाणी उसाला मिळतं. पाण्याचीही कपात झाली आहे. त्यामुळे वेळच्या वेळी पाणी मिळत नाही. आमच्याकडे उसाचेच पीक मोठ्या प्रमाणात घेतलं जातं. अलीकडे काहींनी वेगळा विचार केला आहे. उसाला पाणी भरपूर लागतं. जे आहे ते पाणी काटकसरीने वापरलं तर सगळ्यांनाच पाणी गरजेप्रमाणे मिळेल, पण असं अजून घडलेलं नाही.  माझी पाच एकर शेती आहे. सगळा ऊसच आहे.

Tuesday, June 28, 2016 AT 05:15 AM (IST)

गावातील एक वृद्ध अंथरुणावर पडून आहे. ऐंशीच्या पुढे वय असावे. माणूस आयुष्यात काबाडकष्ट करतो, त्यामुळे त्याच्या वयाच्या मानाने त्याचे शरीर थकतं. शेवटी शरीर आहे. त्याचीही काम करण्याची काही क्षमता आहे. श्रमसुद्धा अति केल्याने त्याचा शरीरावर परिणाम होतो. वृद्ध हा अविवाहित होता. आठवडा बाजारात तयार कपडे विकत असे. सहा दिवस बाजार आणि एक दिवस खरेदीचा जात असे. व्यवसायात जो काही नफा मिळतो त्यातील थोडा हिस्सा तो पहिल्यापासून बँकेत ठेवीत आला आहे.

Monday, June 27, 2016 AT 05:15 AM (IST)

दुपारची वेळ होती. माडीवर झोपलो होतो. गाढ झोप लागली नव्हती. डोळ्याला डोळा लागला होता. खालून मिरवणुकीचा आवाज येत होता. अशा दुपारच्या वेळी कसली मिरवणूक निघणार, मला वाटलं स्वप्नच पडलं असावं. डोळे उघडून थोडा पडून राहिलो तर मोठमोठ्या आवाजात घोषणाही ऐकू येऊ लागल्या. उठून मी गॅलरीत आलो. मिरवणूक फार मोठी नव्हती. एका तरुणाला एकाने खांद्यावर घेतलं होतं. पुढे पंधरा-वीस तरुण मुलं त्याचा जयजयकार करीत होते. मला हा काय प्रकार आहे हे काही कळेना.

Saturday, June 25, 2016 AT 05:45 AM (IST)

मी एका लहान गावात येऊन राहिलो आहे. मायबाप सरकारची एसटी सकाळ - संध्याकाळी येते. हे काही माझे मूळ गाव नाही. खरं तर आता माझं मूळगावी काहीच नाही. नात्यागोत्यातील लोक आहेत, पण आपल्यातील एखादा थोडं जरी पुढं जातोय असा संशय आला तरी तो त्यांना सहन होत नाही. आजही त्यांचं हेच कार्य अहोरात्र सुरू आहे. त्यातच त्यांना धन्यता वाटते. मी या सर्व लोकांपासून लहान वयापासून दूर आहे. एक मात्र खरं आहे, त्यांच्यातील काहींना कळू लागलं आहे. आपला मार्ग काही बरोबर नाही.

Friday, June 24, 2016 AT 08:15 AM (IST)

मी दररोज बरीच वर्तमानपत्रं विकत घेतो. गावात सकाळीच एक एसटी येते. एसटीचे वाहक-चालक दररोज वर्तमानपत्र घेऊन येतात. गावात कोणीच घरोघरी वर्तमानपत्रं अजून घेत नाहीत. गावात सार्वजनिक वाचनालय आहे. पण, ते कधी सुरू असतं, हे मला अजून कळलं नाही. सरकारी अनुदान मात्र मिळतं. एकदा मी त्यांना विचारलं, वाचनालय कधी उघडं असतं? त्यावर त्याने मला उत्तर दिलं, वाचनाची आवड आता कोणाला कुठं आहे. वाचनालय का नाही उघडलं असं विचारणारे तुम्ही पहिलेच गृहस्थ आहात.

Thursday, June 23, 2016 AT 05:45 AM (IST)

शाळेतील शिक्षक उपक्रमशील आहेत. उत्साही आहेत. त्यामुळे मुलांमध्येही चैतन्य निर्माण झाले आहे. आपण मुलांना जे शिकवू ते मुले शिकतात हा अनुभव आहे. शाळा सरकारी मराठी माध्यमाची चवथीपर्यंतची आहे. एकूण तीन शिक्षक आहेत. दोन महिला आहेत. एक पुरुष आहे. दोन्ही महिला शिक्षिकांना इंग्रजी चांगलं बोलता येतं. त्यांचेही शिक्षण मराठी माध्यमातून झालं आहे. त्यांनी इंग्रजी बोलता येणाऱ्याबरोबर काही काळ काम केलं होतं. त्यामुळे त्यांना इंग्रजीत संभाषण करण्याची संधी मिळाली.

Wednesday, June 22, 2016 AT 05:45 AM (IST)

समाजसेवेमधली पदवी घेऊन गावी आलो. मला समाजसेवा करावी असं वाटत होतं. त्यासाठी आपण त्याची पदवी घेतली पाहिजे, असं मला काहींनी सुचवलं. मला तर नोकरी मिळवायची नव्हती. पदवी ही साधारणपणे नोकरीसाठीच घेतली जाते. मला शेती आणि त्याबरोबर गावाच्या विकासासाठी कार्य करायचं होतं. माझं ध्येय निश्चित होतं. त्यासाठी आवश्यक असणारी अनुकूल परिस्थितीही होती. कोणतंही काम करताना त्याचे शिक्षण आणि प्रशिक्षण घेतले पाहिजे. हा विचार मला पटला.

Tuesday, June 21, 2016 AT 05:15 AM (IST)

आमच्या सगळ्या भावकीची मिळून साठ एकर शेती एकाच ठिकाणी आहे. माझी पाचवी पिढी आहे. माझ्या वाट्याला एक एकर पाच गुंठे शेती आली आहे. आमच्या एका घरापासून आता तीस घरं गावात झाली आहेत. मूळ शेतीमधील दोन एकरांपेक्षा ज्यादा शेती कोणाच्याही वाट्याला आलेली नाही. माझ्या पिढीतील कोणीही शेतीवर अवलंबून नाही. काहींनी चांगलं शिक्षण घेऊन नोकरी मिळविली आहे. काही वेगवेगळे व्यवसाय करतात. आमच्यामधील काही गावाबाहेरच असतात. बऱ्याच जणांची शेती पडीक आहे.

Monday, June 20, 2016 AT 05:45 AM (IST)

आपण जर ठरवलं तर आपले प्रश्न आपण सोडवू शकतो. आपले प्रश्न कोणी तरी बाहेरचा माणूस येऊन सोडवावा अशी अपेक्षा जे लोक ठेवत आहेत, ते तर कधीच आपले प्रश्न सोडवू शकणार नाहीत. जी काही नैसर्गिक साधनसंपदा आहे त्याचा वापर आपण कसा करावा, हा प्रश्न आहे. निसर्गाला साथ देऊन त्याचा वापर केला पाहिजे. आपण चुकीच्या मार्गाने नैसर्गिक संपदेचा वापर केला, तर निसर्गाची हानी होणार आहे. निसर्गाची हानी होण्याने आपली हानी ही होणारच. कारण निसर्ग वाचला, तरच आपण वाचणार आहोत.

Saturday, June 18, 2016 AT 05:45 AM (IST)

गावातील एक प्रतिष्ठित कुटुंब आहे. शेतीवाडी चांगली आहे. चार भाऊ एकत्र राहून चांगली प्रगती केली आहे. त्यामुळे त्यांना आपल्या जातीतही मान आहे. जातीत ज्यांची चांगली परिस्थिती असते त्यांना मान असतो. याचे कारण इतर काहींना त्यांच्याकडून कोणत्या ना कोणत्या प्रकारे मदत होत असते. त्यांनाही अशी मदत करावी लागते. ज्यांना त्यांच्या जातीत मान, प्रतिष्ठा आहे त्यांनाच सगळ्या गावातील लोकही मान देतात. जातीत जर पत नसेल तर गावात मान मिळविणे कठीण असते.

Friday, June 17, 2016 AT 05:30 AM (IST)

अलीकडे माझी पोलिस पाटील म्हणून नेमणूक झाली. कायद्याची पदवी घेतली आहे. तीन वर्षे वकिली केली आहे. वकिली चांगली चालली होती. त्यामुळे वकिलीतच आपण नाव कमवायचं, हे मी निश्चित केलं. माझ्याकडे येणाऱ्याची बाजू मी समजून घेत असे. मी ठरवलं होतं. खोट्याचं खरं करण्यासाठी वकिली करायची नाही. हे नियम माझ्यासाठी तयार केले होते. ज्यांच्यावर अन्याय झाला आहे त्यांच्या बाजूने मी लढत असे. त्यामुळे वकिलीत पैसा कमवणे, हे ध्येय ठेवलं नाही.

Thursday, June 16, 2016 AT 06:00 AM (IST)

लहान भाऊ शेतीत वाटा मागत आहे. त्याला शेती विकायची आहे. शेतीला भाव मिळतो. माळ जमिनीलाही महत्त्व आहे. गावाशेजारी शहर आहे. त्याचा हा परिणाम आहे. सोळा एकर शेती आहे. त्यातील तीस गुंठे ही वडिलोपार्जित आहे. बाकीची शेती आम्ही विकत घेतली आहे. आम्हाला ती फारच कमी किमतीत मिळाली आहे. आता त्याला चांगला भाव आला आहे. शेतीमध्ये पिके घेऊन पैसा मिळणार नाही. एक तर माळ जमिनीत काय मिळणार आहे. जमीन वडिलांच्या नावे घेतली आहे. लहान भाऊ वडिलांकडे शेतीत वाटा मागू लागला.

Wednesday, June 15, 2016 AT 05:45 AM (IST)

अलीकडेच माझी पोलिस पाटील म्हणून नेमणूक झाली. कायद्याची पदवी घेतली आहे. तीन वर्षे वकिली केली आहे. वकिली चांगली चालली होती. त्यामुळे वकिलीतच आपण नाव कमवायचं, हे मी निश्चित केलं. माझ्याकडे येणाऱ्याची बाजू मी समजून घेत असे. मी ठरवलं होतं. खोट्याचं खरं करण्यासाठी वकिली करायची नाही. हे नियम माझ्यासाठी तयार केले होते. ज्यांच्यावर अन्याय झाला आहे त्यांच्या बाजूने मी लढत असे. त्यामुळे वकिलीत पैसा कमवणे हे ध्येय ठेवलं नाही.

Tuesday, June 14, 2016 AT 07:00 AM (IST)

सेवानिवृत्तीनंतर मी गावी येऊन राहिलो आहे. माझी विहिरीवरील चार एकर बागायती शेती आहे. गेल्या वर्षापर्यंत वडील शेतीची सगळी कामं करीत. त्यांना कामाची आवडही होती. आई वारल्यानंतर त्यांना फार काळ जगावं असं वाटत नव्हतं. त्यांना फार एकाकी वाटत होतं, त्यामुळे मी अधूनमधून जसा वेळ मिळेल तशी त्यांची भेट घेत असे. मी एकुलता आहे. पदवीधर झाल्यावर सरकारी नोकरी मिळाली. माझ्या बायकोलाही खासगी नोकरी आहे. मलाही एकच मुलगा आहे. माझ्या बायकोची अजून पाच वर्षे नोकरी आहे.

Saturday, June 11, 2016 AT 08:30 AM (IST)

माझं लग्नं होऊन दोन वर्षे झाली. अजून मूलबाळ झालेलं नाही. तपासणीही केली आहे. दोघांतही दोष आढळला नाही. आमच्याकडे लग्न झाल्यावर जर लवकर मूल झालं नाही तर त्याची गावात चर्चा सुरू होते. त्यातून माझ्याही कानावर काही गोष्टी आल्या. मी माझ्या कानावर हात ठेवले. माझ्या कानावर जशा काही गोष्टी आल्या तशा माझ्या बायकोच्या कानावरही आल्या. मला जशी ऐकून सोडून देण्याची सवय आहे, तसं तिला वाटत नाही. त्यात तिला आपली बदनामी वाटली. याचं कारण बायकोची तपासणी केली होती.

Friday, June 10, 2016 AT 05:45 AM (IST)

सेवानिवृत्त झाल्यापासून गावी माझं जाणं येणं पूर्वीपेक्षा वाढलं आहे. माझ्यासारखे अनेक जण सेवानिवृत्त झाले आहेत, त्यामुळे त्याच्याशी मी संपर्क साधला. गाव तसे सधन आहे. गावातही जागृती चांगली आहे. सगळ्यात महत्त्वाची गोष्ट म्हणजे गावची प्राथमिक शाळा सुधारलेली आहे. माध्यमिक शाळाही सुरू झाली आहे. इंग्रजी माध्यमाची शाळाही अलीकडे सुरू झाली आहे. पूर्वी गावाला कुस्तीचा शौक होता. चांगल्या कुटुंबातील एकाला कोल्हापूरच्या तालमीत खास व्यायामासाठी ठेवलं जातं.

Thursday, June 09, 2016 AT 05:30 AM (IST)

गेली चाळीस वर्षे कष्ट करतो आहे. सालगडी म्हणूनही काही वर्षे काम केलं. कामाला तसा चांगला आहे. दुसरी गोष्ट प्रामाणिकपणे काम करीत आला. पोटापुरतं मिळालं की खूष होता. बाकी काही अपेक्षा नव्हती. त्याने लग्न करावं असा काहींनी आग्रह धरला पण लग्न करून संसार करावा असं त्याला कधी वाटलं नाही. आज त्याची विकलांग अवस्था आहे. शरीर साथ देत नाही. अनेक वर्षे काबाडकष्ट करूनही पोटभर त्याने कधी अन्न खाल्ले नाही. आता त्याचा मुक्काम रस्त्याच्या कडेला असतो.

Wednesday, June 08, 2016 AT 05:00 AM (IST)

आमच्या घरात नवीन वाद-विवाद सुरू आहेत. आमचं एकत्र कुटुंब आहे. घरात चौथी पिढी आहे. आमच्यात प्रत्येकाला एकच मुलगा झाला आहे. शेती एकत्र आहे. प्रत्येकाचा व्यवसाय वेगळा आहे. एकत्र राहतो तरी स्वयंपाक वेगळा होतो. प्रत्येक जण आपापल्या व्यवसायात प्रगती करून आहे. काही नोकरी करतात. चाळीस लोकांचं कुटुंब आहे. एकमेकांना मदत केली जाते. त्यामुळे गावातील एक आदर्श कुटुंब मानलं जातं. आमच्या घरात मुलगी जन्माला आली नाही.

Tuesday, June 07, 2016 AT 06:00 AM (IST)

लग्न हे योग्य वयात व्हावं लागतं. अलीकडे उशिरा लग्न करण्याची पद्धत आहे. यामागे उत्पन्नाचं साधन हे महत्त्वाचं आहे. आता लग्न न करण्याचीही एक लाट आली आहे. लग्न हे किमान समान पातळीवर केलं जातं. आपल्या ऐपतीप्रमाणेच मुलाची अगर मुलीची निवड केली जाते. ही निवड करताना पहिला निकष हा जातीचा असतो. जातीबाहेर विचार केला जात नाही. आजही जातीमध्येच सुरक्षितता वाटते. जातीबाहेर सुरक्षितता वाटत नाही. आपल्या देशात जाती व्यवस्थेचा मोठा प्रभाव आजही आहे.

Monday, June 06, 2016 AT 06:00 AM (IST)

आमची दहा एकर कोरडवाहू शेती एका ठिकाणी आहे. शेतात आम्ही विहीर खोदली आहे. विहिरीला पाणी बऱ्यापैकी आहे. गावातील लोकांना पिण्याच्या पाण्यासाठी टँकरने पाणीपुरवठा केला जातो. रात्री गावातील काही लोक आमच्या विहिरीतील पाणी आम्हाला कळू न देता घेऊन जातात. जरी आपण कोणतीही गोष्ट लपून छपून केली तरी ती फार काळ लपून राहत नाही. आमच्या विहिरीचं पाणी वापरूनही इतरांसाठी आम्ही देऊ शकतो. तरीही आम्हाला कळू न देता विहिरीतून पाणी खेचलं जात होतं. हे आम्हाला पटलं नाही.

Saturday, June 04, 2016 AT 05:45 AM (IST)

साक्षरता प्रसारासाठी एका वस्तीवर गेलो होतो. बरोबर तीन सहकारी होते. वस्ती गावापासून थोड्या अंतरावर होती. वेगवेगळे पक्षी मारून त्यांची आठवडा बाजारात विक्री करीत असत. काही पक्षांचा औषधी उपयोग असल्याने त्यांना मागणी चांगली असते. पैसेही चांगले घेतात. आमचा एक कार्यकर्ता त्यांच्या संपर्कात आला. संपर्कात आलेल्या व्यक्तीला आम्ही आमच्यात सहभागी करून घेतो. सगळेच सहभागी होत नाहीत, पण काहीना समाजात मिसळण्याची आवड असते.

Friday, June 03, 2016 AT 06:00 AM (IST)

आम्ही चार भाऊ आहोत. वडिलोपार्जित आमची केवळ एक एकर शेती होती. सोळा एकर शेती आमच्या आजोबांनी विकली होती. ती का विकली हे गूढच आहे. कारण माझे वडील एकुलते एक होते. त्यांना कोणतेच व्यसन नव्हतं, तरी आजोबांनी सोळा एकर शेती विकली होती. माझे वडील लहान असतानाच त्याचे निधन झाले. त्यामुळे त्यांनाही खरी काय परिस्थिती घडली, हे ठाऊक नाही. काही लोक आपापल्या पद्धतीने सांगतात. माझ्या वडलांनी चौथीमधून शाळा सोडली. त्यांनी गुरं राखायला सुरवात केली.

Thursday, June 02, 2016 AT 05:45 AM (IST)

माझ्या वडलांना एकूण बारा भाऊ होते. एक बहीण होती. आजोबा एकुलते होते. त्यांना भाऊ नव्हता. तो काळ असा होता की जर एकच मूल असेल तर त्यांच्या आई - वडिलांना चिंता वाटत असे. याचे कारण ज्यांच्या घरात मनुष्यबळ आहे त्यांचा वचक राहत होता. त्यांच्या शेतातील काडीलाही कोणी हात लावत नसे. ज्यांच्या घरात मनुष्यबळ नाही त्यांच्या रानातील पिकं कोणीही रातोरात नेत असत. कारण त्याच्यामागे पाठबळ नसे. गावात त्या वेळी दंडुकशाहीच होती. अशा काळात आजोबा एकटे होते.

Wednesday, June 01, 2016 AT 06:00 AM (IST)

शंभर वर्षे गावातील एकाने पूर्ण केली आहेत. त्यांना कोणी वृद्ध म्हटलं तर वृद्धाविषयीचं जे चित्र डोळ्यांसमोर उभं राहतं, असं काहीच त्याचं आयुष्य नाही. गेली चाळीस वर्षे ते एकटेच राहतात. त्याची दोन मुलं नोकरीसाठी बाहेर गेली. आपल्या मुलांकडे ते कधीच गेले नाहीत. बायको वारल्यानंतर त्यांनी स्वतःच स्वयंपाक करायला सुरवात केली. त्यापूर्वी त्यांनी कधीच स्वयंपाक केला नव्हता. या कलेत ते इतके निपून झाले, की गावातील एक चांगले स्वयंपाकी म्हणून त्यांनी नाव कमावलं.

Tuesday, May 31, 2016 AT 06:00 AM (IST)

मुलीला सासरी त्रास आहे. हे जवळ जवळ दोन वर्षे सुरू आहे. त्याचा परिणाम तिच्या शरीरावर झाला आहे. मुलीचं लग्न होऊन तीन वर्षे झाली आहेत. मुलगी पदवीधर आहे. खेळात तिने अनेक पदके मिळविली आहेत. तिला लग्नाला अनेकांकडून मागणी आली होती. पण बायकोच्या आग्रहामुळे तिच्या माहेरी तिचं लग्नं करावं लागलं. बायकोला तिच्या माहेराविषयी फारच अभिमान होता. तिचे पाच कर्तबगार भाऊ आपापल्या क्षेत्रात नाव आणि पैसा कमावून होते. आमच्या परिसरात त्यांना सगळेच ओळखतात.

Monday, May 30, 2016 AT 06:00 AM (IST)

माझी गावी चार एकर शेती आहे. आमच्या अनेक पिढ्या गावी राहिल्या आहेत. आमच्या पूर्वजानेच गाव वसवलं आहे. गाव वसवण्यासाठी शेतीत आवश्यक असलेल्या कसब असणाऱ्यांची गरज असते. कसब असणारे हे बारा बलुतेदार गावात असले, की गाव कसबा बनतो. आमच्या पूर्वजांनी वेगवेगळ्या अशा चांगल्या कारागीरांना गावात आणून त्यांना जमिनी दिल्या. हा सगळा इतिहास लिहिणारी एक जमात आहे. ती पिढ्यानुपिढ्या इतिहास लिहून ठेवीत आली आहे. सुगी सुरू झाली, की ते बैलावर बसून घरोघर जात असतं.

Friday, May 27, 2016 AT 07:15 AM (IST)

मुलगा काही कामधंदा करीत नाही. एकुलता एक मुलगा असल्याने त्याचे लाड झाले आहेत. त्याला पहिल्यापासून काही काम करायला लावलं नाही. तो जे मागेल ते त्याला आम्ही देत आलो. याचे एक कारण असंही होते. आम्हाला त्या वयात काही मिळालं नाही. आमचे आई-वडील गरीब होते. ते मागेल तसं देऊ शकत नव्हते. त्याची एक खंत मनात होती. ज्या वयात आपल्याला जे मिळालं नाही त्या वयातील मुलाला आपण दिलं पाहिजे. आम्ही नवरा-बायको दोघेही नोकरदार आहोत. आम्हाला चांगला पगार आहे.

Wednesday, May 25, 2016 AT 06:00 AM (IST)

 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: