Last Update:
 
प्रादेशिक
अडचणी वाढल्या शेतकऱ्यांनी ऊस अन्यत्र पाठवल्याच्या तक्रारी सांगली - म्हैसाळ उपसा सिंचन योजनेची पाणीपट्टी ऊस बिलातून कपात करून भरण्यास साखर कारखान्यांनी नकार दिला आहे. गेल्या वर्षी सुमारे 4.53 कोटींची पाणीपट्टी कारखान्यांनी भरली होती. मात्र तेथील शेतकऱ्यांनी या कारखान्यांना ऊस न पाठवता पर्यायी कारखान्यांची निवड केल्याचे कारखाना व्यवस्थापनाने पाटबंधारे महामंडळाला तक्रारींच्या सुरात कळवले आहे.

Thursday, January 12, 2017 AT 06:00 AM (IST)

पुणे जिल्ह्यासाठी नाबार्डचा ३२ हजार ६२८ कोटींचा पतपुरवठा आराखडा पुणे - शेतकऱ्यांना २०१७-१८ या अर्थिक वर्षात पीककर्जापोटी पतपुरवठा उपलब्ध व्हावा म्हणून नाबार्डने पुणे जिल्ह्यासाठी ३२ हजार ६२८ कोटी रुपयांचा पतपुरवठ्याचा आराखडा मंगळवारी (ता.१०) जाहीर केला आहे. यात पीककर्ज आणि शेतीआधारित पूरक व्यवसायासाठी ६ हजार ८९५ कोटी २५ लाख रुपयांची तरतूद करण्यात आली आहे.

Thursday, January 12, 2017 AT 06:00 AM (IST)

धुळे - केंद्र सरकारने घेतलेल्या नोटाबंदीच्या निर्णयाला आता 60 दिवसांहून अधिक कालावधी उलटूनही परिस्थिती पूर्वपदावर आलेली नाही. ग्रामीण भागातील बॅंकांना अजूनही पुरेशी रोकड मिळत नाही. बहुतांश एटीएम बंदच आहेत, त्यामुळे सर्वसामान्यांचे हाल सुरूच आहेत. याप्रश्‍नी सरकारला जाब विचारण्यासाठी राष्ट्रवादी कॉंग्रेसतर्फे जिल्हाभर सोमवारी (ता. 9) तहसील कार्यालयांसमोर धरणे आंदोलने करण्यात आली. शिरपूर येथे तहसीलदार महेश शेलार यांना निवेदन देण्यात आले.

Wednesday, January 11, 2017 AT 06:00 AM (IST)

सहपालकमंत्री सदाभाऊ खोत यांचे आश्‍वासन सातारा - तारळी धरणाच्या झालेल्या कामाचा व प्रलंबित कामाचा अहवाल मागविला असून, लवकरच जलसंपदामंत्री यांच्याबरोबर बैठक घेऊन तारळी धरणाच्या उर्वरित कामांना निधी उपलब्ध करून दिला जाईल, असे आश्वासन सहपालकमंत्री सदाभाऊ खोत यांनी दिले.  सहपालकमंत्री श्री. खोत यांनी रविवारी (ता. 8) तारळी धरणाला भेट देऊन धरणाची पाहणी केली. त्या वेळी ते बोलत होते.

Tuesday, January 10, 2017 AT 06:15 AM (IST)

पुणे विभागातील चित्र - पीकवाढीला पोषक वातावरणाने आशा वाढल्या पुणे - यंदा रब्बी हंगामातील पेरण्या पूर्ण होत आल्या आहेत. पुणे विभागातील गव्हाच्या सरासरी एक लाख ७२ हजार ३९४ हेक्टर क्षेत्रापैकी एक लाख ६२ हजार हेक्टरवर पेरण्या झाल्या आहेत. चालू वर्षी गव्हाच्या शंभर टक्के पेरण्या होण्याचा अंदाज कृषी विभागाच्या सूत्रांनी व्यक्त केला आहे.  यंदा गव्हाच्या पेरणीसाठी लाभदायक अशी थंडी सुरवातीपासून असल्याने गव्हाच्या पेरण्यांनी चांगलाच वेग घेतला होता.

Tuesday, January 10, 2017 AT 06:00 AM (IST)

- केंद्रीय कृषी मंत्रालयाचा निर्णय तीन वर्षांत अंमलबजावणी - बुरशीनाशक, कीटकनाशक अाणि तणनाशकाचा समावेश - मानव, पशुपक्षी, मधमाश्यांच्या आरोग्य सुरक्षिततेला प्राधान्य पुणे (प्रतिनिधी) : मानव, जलचर सजीव, पक्षी व मधमाशी यांच्या आरोग्य सुरक्षिततेचे हित लक्षात घेऊन केंद्रीय कृषी मंत्रालयाने देशातील १८ कीडनाशकांच्या वापरावर पूर्णपणे बंदी घालण्याचा महत्त्वपूर्ण निर्णय घेतला आहे.

Sunday, January 08, 2017 AT 01:30 AM (IST)

- पूर्वसूचना न दिल्याने शेतकऱ्यांचे हाल - चिखलीत बाजारभाव तत्काळ परिणाम चिखली, जि. बुलडाणा ः हमीभावासह बोनस देऊन नाफेडमार्फत सुरू असलेली उडदाची खरेदी अचानक बंद करण्यात आल्याचा फटका येथील शेतकऱ्यांना बसला आहे. या निर्णयामुळे शेतकऱ्यांची मोठी तारांबळ तर उडालीच, परंतु बाजारभावातही क्विंटलमागे पाचशे ते सातशे रुपयांनी कोसळून मोठे आर्थिक नुकसान होत आहे. यंदा खरीप हंगामात उडदाचे चांगले पीक झाले आहे.

Sunday, January 08, 2017 AT 01:15 AM (IST)

अमृतवाहिनी शेती व शिक्षण विकास संस्थेच्या वतीने कार्यक्रम संगमनेर (प्रतिनिधी) ः अमृतवाहिनी शेती व शिक्षण विकास संस्थेच्या वतीने स्वातंत्र्यसैनिक भाऊसाहेब थोरात स्मृती पुरस्काराने डॉ. सदानंद मोरे (देहूकर) यांना, तर डॉ. अण्णासाहेब शिंदे स्मृती पुरस्कार जनरल जे. जे. सिंग (माजी लष्करप्रमुख) यांना गौरविण्यात येणार आहे, अशी माहिती डॉ. राजीव शिंदे पत्रकार परिषदेत यांनी दिली. या वेळी समितीचे निमंत्रक आ. डॉ. सुधीर तांबे, बाजीराव पाटील खेमनर, ऍड.

Sunday, January 08, 2017 AT 12:15 AM (IST)

केंद्रीय कापूस संशोधन संस्थेतून घेतली स्वेच्छा निवृत्ती नागपूर (प्रतिनिधी) ः केंद्रीय कापूस संशोधन संस्थेचे संचालक डॉ. केशव क्रांती यांनी स्वेच्छानिवृत्ती घेतली आहे. वॉशिग्टन येथील आंतरराष्ट्रीय कापूस सल्लागार समितीच्या (आयसीएसी) तांत्रिक सेवा प्रमुखपदी नियुक्‍ती झाल्याने त्यांनी हा निर्णय घेतला आहे. एप्रिल 2017 मध्ये ते वॉशिंग्टनला रुजू होतील. इंटरनॅशनल कॉटन ऍडव्हायझरी कमिटीचे मुख्यालय वॉशिंग्टनमध्ये आहे.

Sunday, January 08, 2017 AT 12:00 AM (IST)

बारामती, जि. पुणे ः अॅग्रिकल्चरल डेव्हलपमेंट ट्रस्टच्या कृषी विज्ञान केंद्राच्या वतीने येत्या १९ ते २२ जानेवारीदरम्यान दुसऱ्या कृषिक प्रदर्शनाचे आयोजन करण्यात आले आहे. ट्रस्टचे प्रमुख राजेंद्र पवार व कृषी विज्ञान केंद्राचे प्रमुख डॉ. सय्यद शाकीरअली यांनी शनिवारी (ता. ७) पत्रकार परिषदेत ही माहिती दिली.

Sunday, January 08, 2017 AT 12:00 AM (IST)

गोपीनाथ मुंडे शेतकरी जनता अपघात विमा योजना आठ वर्षांत 983 शेतकऱ्यांना लाभ सातारा (प्रतिनिधी) ः गोपीनाथ मुंडे शेतकरी जनता अपघात विमा योजनेअंतर्गत डिसेंबरअखेर जिल्ह्यातील 53 शेतकऱ्यांना विमा संरक्षणाचा लाभ मिळाला आहे. गेल्या आठ वर्षांत जिल्ह्यातील 983 शेतकऱ्यांना या योजनेतून विमा संरक्षणाचा लाभ मिळाला आहे. जिल्ह्यात या योजनेअंतर्गत डिसेंबरअखेर 160 प्रस्ताव विमा कंपनीस सादर करण्यात आले होते.

Sunday, January 08, 2017 AT 12:00 AM (IST)

औरंगाबाद (प्रतिनिधी) : मराठवाड्यातील प्रकल्पांतील पाणीसाठा जानेवारीच्या पहिल्याच आठवड्यात झपाट्याने कमी होत असल्याचे चित्र आहे. 75 मध्यम व 734 लघु प्रकल्पांपैकी 92 प्रकल्पांत सध्या 25 टक्‍क्‍यांपेक्षा कमी पाणीसाठा आहे, अशी माहिती पाटबंधारे विभागाच्या सूत्रांनी दिली. 25 टक्‍क्‍यांपेक्षा कमी पाणीसाठा असलेल्या एकूण 9 मध्यम प्रकल्पांपैकी आठ प्रकल्प औरंगाबाद जिल्ह्यातील असून, एक प्रकल्प जालना जिल्ह्यातील आहे.

Sunday, January 08, 2017 AT 12:00 AM (IST)

पुणे - जिल्ह्यातील २०१७-१८ साठीच्या विकासकामांकरिता ४३९.०८ कोटी रुपयांच्या प्रारूप आराखड्यास गुरुवारी (ता. ५) जिल्हा नियोजन समितीच्या बैठकीत मान्यता देण्यात आली. जिल्ह्यातील विविध विभागांनी ७३५.८३ कोटींंची मागणी केली होती.    जिल्हा नियोजन समितीची बैठक विभागीय आयुक्त कार्यालयाच्या सभागृहात झाली. पालकमंत्री गिरीश बापट या वेळी अध्यक्षस्थानी होते.

Saturday, January 07, 2017 AT 06:15 AM (IST)

पुणे जिल्ह्यात ६६ हजार ५६० हेक्टरवर ऊस लागवड पुणे - यंदा जिल्ह्यात चांगला पाऊस झाला, त्यामुळे पाण्याची मुबलक उपलब्धता आणि हमखास मिळणारा भाव यामुळे जिल्ह्यातील ऊस लागवडीचे क्षेत्र वाढण्याची अपेक्षा आहे. डिसेंबरअखेर सरासरी क्षेत्राच्या तुलनेत ५१ टक्के क्षेत्रावर ऊस लागवड पूर्ण झाली आहे. इंदापूर तालुक्यात सर्वाधिक म्हणजेच २६ हजार १८० हेक्टरवर ऊस लागवड झाली आहे.

Thursday, January 05, 2017 AT 06:00 AM (IST)

फलटण शहर, जि. सातारा - कापशी (जि. सातारा) येथील शरयू ऍग्रो इंडस्ट्रीज लिमिटेड या कारखान्याने आठ नोव्हेंबर ते 15 डिसेंबर 2016 पर्यंत गाळपास आलेल्या उसाचा पहिला हप्ता 2550 रुपयांप्रमाणे एकरकमी, विनाकपात 51 कोटी रुपये बॅंक खात्यावर जमा केले आहे.  धोरणानुसार बैलपोळा व दिवाळी सणासाठी अद्याप दोन हप्त्यात ऊस बिल शेतकऱ्यांच्या खात्यावर जमा केले जाणार आहे.

Tuesday, January 03, 2017 AT 06:15 AM (IST)

शेतकरी ते ग्राहक थेट उपक्रमांतर्गत तांदळाची थेट विक्री सुरू पुणे - शेतकरी ते ग्राहक थेट विक्री उपक्रमांतर्गत सेंद्रिय इंद्रायणी तांदूळ महोत्सव सोमवारपासून (ता. २) शिवाजीनगर येथील कृषिभवन येथे सुरू झाला आहे.  १५ जानेवारीपर्यंत हा तांदूळ महोत्सव सुरू राहणार असून, ग्राहकांना खास इंद्रायणी वाण येथे उपलब्ध असणार आहे.

Tuesday, January 03, 2017 AT 06:00 AM (IST)

सातारा जिल्ह्यात 29 लाख 38 हजार टन ऊस गाळप सातारा - जिल्ह्यातील 15 कारखान्यांचे गाळप सध्या सुरू आहे. या कारखान्यांनी गुरुवारपर्यंत (29 डिसेंबर) 29 लाख 38 हजार 515 मेट्रिक टन उसाचे गाळप केले आहे. त्याद्वारे 33 लाख 19 हजार 560 क्विंटल साखर उत्पादन झाले असून, सरासरी 11.30 टक्के साखर उतारा मिळाला आहे. सह्याद्री कारखान्याने ऊस गाळप आणि साखर उताऱ्यात आघाडी घेतली असल्याची माहिती सूत्रांनी दिली.

Tuesday, January 03, 2017 AT 05:45 AM (IST)

मुळशीमध्ये कृषी विभाग, ‘आत्मा’चा उपक्रम मुळशी - कृषी विभाग आणि कृषी तंत्रज्ञान व्यवस्थापन यंत्रणा यांच्या वतीने थेट भाजीपाला या उपक्रमांतर्गत मुळशीमध्ये मंगळवारपासून थेट भाजीपाला विक्री सुरू करण्यात आली. तालुका कृषी अधिकारी गणेश तांबे यांच्या मार्गर्शनाखाली मुळशी तालुक्यातील भोडे, वातुंडे, वांजळे आणि कोळावडे येथील शेतकऱ्यांनी एकत्रित येऊन गटामार्फत ही विक्री सुरू केली आहे. कृषी विभागामार्फत कृषी सहायक आर. एस.

Thursday, December 29, 2016 AT 06:00 AM (IST)

पुणे - रब्बी हंगामात राबविण्यात येत असलेल्या पंतप्रधान पीकविमा योजनेत सहभागी होण्यासाठी अखेरचे दोन दिवस शिल्लक राहिले आहेत. पुणे जिल्ह्यातील शेतकऱ्यांना येत्या ३१ डिसेंबरपर्यंत पीकविमा योजनेत सहभागी होता येणार आहे. योजनेची वैशिष्ट्ये -  - नैसर्गिक आपत्ती, कीड-रोगामुळे नुकसान झाल्यास शेतकऱ्यांना विमा संरक्षण - कर्जदार शेतकऱ्यांना बंधनकारक असून, बिगर कर्जदार शेतकऱ्यांना एेच्छिक आहे.

Thursday, December 29, 2016 AT 06:00 AM (IST)

भंडारा - लाखोळीवरील बंदी हटविल्यानंतर लाखोळी बियाणे उत्पादनाला प्रोत्साहन देण्याकरिता राष्ट्रीय बियाणे महामंडळाने भंडारा जिल्ह्यात तब्बल १८० एकरांवर बीजोत्पादन कार्यक्रम राबविला आहे. आत्मा आणि एन.एस.सी. यांच्या संयुक्‍त सहकार्याने हा कार्यक्रम राबविला जात असून उत्पादीत बियाणे एन.एस.सी.कडून खरेदीची हमी देण्यात आली आहे. पूर्व विदर्भातील भंडारा, गोंदिया, गडचिरोली या धान उत्पादक जिल्ह्यांमध्ये लाखोळी या डाळवर्गीय पिकाचे उत्पादन घेतले जाते.

Thursday, December 29, 2016 AT 05:45 AM (IST)

कृषी भवनाच्या आवारात आयोजन पुणे - ‘आत्मा’अंतर्गत २ ते १५ जानेवारीदरम्यान सेंद्रिय इंद्रायणी तांदूळ महोत्सव आयोजित केला आहे. हा महोत्सव शिवाजीनगर येथील कृषी भवनाच्या आवारात जिल्हा अधीक्षक कृषी कार्यालयासमोर होणार आहे. महोत्सवाचे उद्घाटन २ जानेवारी रोजी सकाळी साडेदहा वाजता कृषी आयुक्तालयातील निविष्ठा व गुणनियंत्रण विभागाचे संचालक विजयकुमार इंगळे यांच्या हस्ते होणार आहे.

Wednesday, December 28, 2016 AT 06:00 AM (IST)

पुणे जिल्ह्यात गहू, हरभरा लागवड अंतिम टप्यात पुणे - रब्बी हंगामात सरासरी चार लाख चार हजार ७३ हेक्टर क्षेत्रापैकी दोन लाख ३९ हजार ८८८ हेक्टर म्हणजेच सरासरी ५९ टक्के पेरणी झाली आहे. जिल्ह्यात गहू, हरभरा पिकांच्या पेरण्या अंतिम टप्प्यात आल्या असल्याचे कृषी विभागाच्या सूत्रांनी सांगितले. जिल्ह्यात रब्बी हंगामातील ज्वारी वाढीच्या व कणसाच्या अवस्थेत आहे. तर गहू, मका, हरभरा, सूर्यफूल, जवस व करडई पिकांची उगवण चांगली असून, पिके वाढीच्या अवस्थेत आहे.

Wednesday, December 28, 2016 AT 06:00 AM (IST)

तीनशे मायक्रो "एटीएम' देण्याचाही निर्णय नगर - अहमदनगर जिल्हा मध्यवर्ती सहकारी बॅंक जिल्हाभरातील सुमारे एक लाख शेतकऱ्यांना "रुपे किसान क्रेडिट कार्ड' देणार आहे. 31 जानेवारीपर्यंत ही प्रक्रिया पूर्ण होईल. सरकारने कॅशलेस व्यवहार करण्याबाबत केलेल्या अवाहनानुसार ग्रामीण भागातील शेतकऱ्यांना कॅशलेश व्यवहार करता यावेत, यासाठी जिल्हा मध्यवर्ती सहकारी बॅंकेने पुढाकार घेतला आहे.

Wednesday, December 28, 2016 AT 05:45 AM (IST)

पुणे जिल्ह्यासाठी तीन कोटींचा निधी उपलब्ध पुणे - बदलत्या हवामानामुळे जिल्ह्यातील बहुतांशी शेतकरी पॉलिहाउसचा अवलंब करून पिके घेऊ लागला आहे. काही शेतकरी आर्थिक अडचणीमुळे शासनाच्या अनुदानाची मदत घेत आहेत. शासनाकडून अनुदानासाठी लागणारी रक्कम तुटपुंज्य उपलब्ध करून दिल्यामुळे जिल्ह्यातील सुमारे १२५ शेतकरी पॉलिहाउसच्या अनुदानापासून वंचित राहणार आहे.

Friday, December 23, 2016 AT 06:00 AM (IST)

नगर जिल्ह्यातील स्थिती क्षेत्रात घट कृषी विभागाकडून उपाययोजना नाही नगर - यंदा चांगला पाऊस झाल्याने जवस, करडई, तीळ, सूर्यफूल तेलबियांचे क्षेत्र वाढण्याचा अंदाज होता. मात्र लागवड क्षेत्रात फारसा फरक झालेला नाही. कृषी विभागाच्या नियोजनानुसार यंदाही सरासरीच्या तुलनेत तेलबियांची अवघी 12.85 टक्के क्षेत्रावर पेरणी झाली आहे. आठ तालुक्‍यांत तेलबिया, गळीत धान्याची पेरणीच झाली नाही.

Wednesday, December 21, 2016 AT 06:00 AM (IST)

दक्षता घेण्याचे वन विभागाचे शेतकऱ्यांना आवाहन पुणे - ऊस शेतीत स्थिरावलेला बिबट्या ऊस ताेडणी सुरू झाल्यामुळे सैरभैर झाला अाहे. हक्काचा निवारा तुटत असताना बिबट्या उसाबाहेर पडत आहे. जिल्‍ह्यात अनेक ठिकाणी बिबट्यांकडून उपद्रव सुरू झाला असून, पाळीव जनावरांवर हल्ले होत अाहेत. हे हल्ले मानवावर हाेऊ नयेत, यासाठी दक्षता बाळगण्याचे आवाहन वन विभागासह वन्यजीव अभ्यासकांनी शेतकऱ्यांना केले आहे.

Wednesday, December 21, 2016 AT 06:00 AM (IST)

मुंबई - स्वतःच्या पलीकडे विचार न करणारा स्वकेंद्रित साचलेपणा आजच्या पिढीत रुजत असताना स्वतःची नोकरी व व्यवसाय सांभाळत आपल्या गावासाठी काहीतरी सामाजिक काम करण्याची उर्मी बाळगणाऱ्या भूमिपुत्रांनी तयार केलेल्या आम्ही टाकळीकरसारख्या संस्थांची समाजाला आज गरज आहे. शाश्वत कृषिकेंद्रित ग्रामविकासात भूमिपुत्रांचे योगदान वाढले पाहीजे, असे प्रतिपादन जिल्हाधिकारी अनिल कवडे यांनी केले.

Tuesday, December 20, 2016 AT 06:00 AM (IST)

नगर जिल्हा परिषदेचा लघुपाटबंधारे विभाग चौकशीच्या फेऱ्यात नगर - जलयुक्त शिवार योजनेसह 2702 लेखाशीर्षाअंतर्गत होणाऱ्या कामांची निविदाप्रक्रिया पूर्ण होऊन ठेकेदारांचीही निवड झाली. मात्र, कार्यारंभ आदेश देण्यास नगर जिल्हा परिषदेच्या लघुपाटबंधारे विभागाने विलंब केल्याचे समोर आले आहे. या प्रकाराची तातडीने चौकशी करून कार्यारंभ आदेश देण्याची प्रक्रिया मुख्य कार्यकारी अधिकाऱ्यांनी सुरू केली आहे.

Tuesday, December 20, 2016 AT 06:00 AM (IST)

मनमाड, जि. नाशिक (प्रतिनिधी) ः मनमाड कृषी उत्पन्न बाजार समितीत कांद्याच्या भावात सातत्याने घसरण होत असल्याने संतप्त झालेल्या शेतकऱ्यांनी शुक्रवारी (ता. १६) बाजार समितीमध्ये कांद्याचे लिलाव बंद पाडून रास्ता रोको आंदोलन केले. या वेळी सरकार विरोधात घोषणाबाजी करत कांद्याला हमीभाव जाहीर करावा, अशी मागणी शेतकऱ्यांनी केली.

Sunday, December 18, 2016 AT 12:30 AM (IST)

कीड, रोगाचा आवाक्‍याबाहेर प्रादुर्भाव, शेतकरी हतबल जळगाव (प्रतिनिधी) ः खानदेशात दर वर्षी कापसाचे फरदड पीक मोठ्या प्रमाणात घेतले जाते. त्यानुसार यंदाही शेतकऱ्यांनी फरदड कापसाचे पीक घेण्याचा प्रयत्न केला परंतु प्रतिकूल हवामान तसेच रोग व किडींच्या आवाक्‍याबाहेरील प्रादुर्भावामुळे फरदड कपाशी काळवंडली आहे. पुढील काळात कापसाचे जास्त उत्पादन मिळण्याची आशा न राहिल्याने शेतकऱ्यांनी पर्यायी रब्बी पिकांकडे आपला मोर्चा वळविला आहे.

Sunday, December 18, 2016 AT 12:00 AM (IST)

दराअभावी शेतकऱ्यांचा कांदा लागवडीकडे कल कमी सातारा (प्रतिनिधी) ः गतवर्षी कांद्याच्या दरात झालेल्या घटीमुळे कांदा लागवड करण्याकडे शेतकऱ्यांचा कल कमी झाला आहे. यामुळे रब्बी हंगामातील कांद्याच्या क्षेत्रात घट झाली आहे. जिल्ह्यात सध्या सहा हजार 35 हेक्‍टर क्षेत्रावर कांद्याची लागवड झाली असून, गतवर्षीच्या तुलनेत कांद्याच्या क्षेत्रात सुमारे पाच हजार हेक्‍टरने घट झाली आहे, अशी माहिती कृषी विभागाच्या सूत्रांनी दिली.

Sunday, December 18, 2016 AT 12:00 AM (IST)

 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: