Last Update:
 
Search Tag:     Section:  
 
  From Date:     To Date:    
Total Results: 101
आंध्र प्रदेश, तेलंगणा या राज्यांत मिरचीची सरकारी खरेदी होते, तर महाराष्ट्रात काय अडचण आहे? सरकारी खरेदी झाली तरच राज्यातील मिरची उत्पादक शेतकऱ्यांची संकटातून सुटका होईल. बंपर उत्पादन, गडगडलेले बाजारभाव आणि तुटपुंजी सरकारी खरेदी, यामुळे तूर उत्पादक शेतकऱ्यांच्या तोंडचे पाणी पळालेले असताना आता राज्यातील मिरची उत्पादक शेतकरी संकटात सापडले आहेत. देशात यंदा २४ लाख टन इतके बंपर उत्पादन झाल्यामुळे मिरचीचे दर पडले. महाराष्ट्राचीही अवस्था दारुण आहे. राज्यात मिरची उत्पादन साडेपाच लाख क्विंटलवरून यंदा आठ लाख क्विंटलवर पोचले. गेल्या वर्षी ९ ते १२ हजार रुपये क्विंटल मिळणारा दर यंदा २ ते ४ हजारांवर उतरला. राज्यात मिरचीचे आगार म्हणून विदर्भाची ओळख आहे. नागपूर, चंद्रपूर, अमरावती, गडचिरोली आदी जिल्ह्यांत मिरचीचे मोठे क्षेत्र आहे. नागपूरची भिवापुरी मिरची देशात प्रसिद्ध आहे. विदर्भाव्यतिरिक्त धुळे, कोल्हापूर, सोलापूर आदी जिल्ह्यांतही मिरची घेतली जाते. सध्या मिळत असलेल्या दरातून तोडणीचाही खर्च निघत नसल्याने शेतकऱ्यांचे हाल सुरू आहेत.
Friday, May 19, 2017 AT 06:45 AM (IST)
शेतकऱ्यांचे प्रश्न सुटावेत म्हणून सत्तेवर पाणी सोडण्याचे धाडस शिवसेनेने दाखवले तरच त्यांच्या वाग्बाणांचा काहीएक उपयोग होईल, अन्यथा ही नुरा कुस्ती शेतकऱ्यांची वंचना करणारीच ठरेल. जलयुक्त शिवार अभियानातील घोटाळे आणि शेतकऱ्यांची कर्जमुक्ती या मुद्यांवरून शिवसेनेचे पक्षप्रमुख उद्धव ठाकरे यांनी मुख्यमंत्री देवेंद्र फडवणीस यांच्यावर तोफगोळे डागले आहेत. सत्तेत सहभागी असलो तरी सरकारवर अंकुश ठेवण्याचे काम करत असल्याचे सांगत ठाकरेंनी जळजळीत टीका केली. ``जलयुक्त शिवार या योजनेला घोटाळ्याची आणि भ्रष्टाचाराची कीड लागली अाहे. या `जलदरोडेखोरां`ना शिवसेना शोधून काढेलच, पण मुख्यमंत्र्यांनीही दोषींवर कठोर कारवाई करावी, ``असे ठाकरे म्हणाले. जलयुक्त शिवार ही मुख्यमंत्र्यांची महत्त्वाकांक्षी योजना. वास्तविक पृथ्वीराज चव्हाण सरकारच्या काळात विकेंद्रित पाणीसाठे निर्माण करण्यासाठी योजनांचे एकत्रीकरण करून नवीन अभियान सुरू करण्यात आले. फडणवीस यांनी त्याचे नाव बदलून मोठ्या धडाक्याने काम सुरू केले. अभियानाचा उद्देश निश्चितच चांगला आहे. परंतु ढिसाळ अंमलबजावणीमुळे मूळ हेतू विफल होण्याची भीती निर्माण झाली आहे.
Thursday, May 18, 2017 AT 06:00 AM (IST)
जलयुक्त शिवारचे यश चारानिर्मिती आणि वृक्षसंवर्धनाशिवाय परिपूर्ण होत नाही, म्हणून जलयुक्त शिवारसोबत शेतात चारा लागवड तर आवारात वृक्ष लागवड अवलंबावी लागेल. सोबत गाळयुक्त शेती उत्पन्नात भर टाकू शकेल.  - प्रा. डॉ. नितीन मार्कंडेय    सलग दुसऱ्या वर्षी सुरू झालेली जलयुक्त शिवार मोहीम, यंदा चार कोटी वृक्षलागवडीचा संकल्प आणि किमान चार आणे वावरात फक्त चारा लागवड या तीनही योजना एकत्रित विचारात पुढे जाणे विकासासाठी फायद्याचे ठरणार आहे. ग्रामपातळीवर असा समन्वय घडून आल्यास शेती, पशुपालन आणि पर्यावरण समृद्धी आपोआप दिसून येईल. ग्रामविकासाच्या मार्गात योजनांचा आणि यंत्रणांचा समन्वय गरजेचा आहे.  जागतिक तापमानवाढीस चोख प्रतिउत्तर शोधण्यासाठी जमिनीवरचे जलसाठे आणि जमिनीखालील पाणीपातळी वाढण्यासाठी जलयुक्त शिवार योजनेत लोकसहभाग स्पृहणीय आहे. मागच्या वर्षी झालेल्या चांगल्या कामांच्या नोंदी ॲग्रोवनमधून नियमित प्रकाशित झाल्यामुळे या मोहिमेत यंदा सहभाग वाढला आहे.
Thursday, May 18, 2017 AT 06:00 AM (IST)
शेतकरी आत्महत्या थांबत नाहीयेत, हे दुश्चिन्ह आणि दुश्चित्र आता नष्ट करायला हवे. पण, ते कसे करायचे, हे कोणी सांगत नाही. तरीही पुन्हा तोच प्रश्न उभा राहतो, शेतकऱ्याची पुढची पिढी शेतीत का येत नाही?  - सुरेश कोडीतकर  ‘‘शेतकऱ्याची पुढची पिढी आज शेतातून निघून चालली आहे, ती शेतात राबण्यासाठी येतच नाही,’’ इति- एम. एस. स्वामिनाथन. ही अत्यंत गंभीर बाब आहे. आपल्या सर्वांचे भरणपोषण करणारा पोशिंदा आज अस्मानी आणि सुलतानी संकटांनी हतबल होऊन मृत्यूला मिठी मारत असताना त्याच्या पुढच्या पिढीनेही मातीत राबावे, हे सांगण्याचा कोणालाही अधिकार नाही. अन्न निर्माण करणारा हा राबता समूह एका क्षणी संपावर निघून गेला, तर आपले काय हाल होतील? शेतकरीवर्गाच्या किमान सुखासाठी आवश्यक अशी साधी व्यवस्था आपण आजही उभारू शकलो नाही, हे वास्तवच पुरेसे बोलके आहे. देशातील ४० टक्के शेतकरी शेती करण्यासाठी नाखूष आहेत, असा अहवाल नाबार्डचे तत्कालीन संचालक योगेश नंदा यांनी देऊनही अनेक वर्षे झाली आहेत पण या प्रश्नाकडे बघायला कोणालाही वेळ नाही. शेतकरी भूमिहीन, शेतीतून उदासीन होण्याची प्रक्रिया वाढीस लागली आहे.
Wednesday, May 17, 2017 AT 06:45 AM (IST)
अमेरिकी केशर म्हणून चक्क करडईचे बियाणे शेतकऱ्यांच्या गळ्यात मारले गेले. शेतकऱ्यांच्या फसवणुकीचे पीक सालाबादप्रमाणे पुन्हा तरारून आले आहे. कुणीही यावं आणि टिकली मारून जावं, अशी शेतकऱ्यांची गत असते, हे वास्तव अमिरेकन केशराच्या बनवेगिरीमुळे पुन्हा एकदा ठळक झालं आहे. खरंखुरं केशर अतिशय महागडं असतं आणि जम्मू-काश्मीरसारख्या विशिष्ट थंड हवामानाच्या प्रदेशातच ते येऊ शकते हे सूर्यप्रकाशाइतकं स्वच्छ असलं तरी महाराष्ट्रासारख्या उष्ण प्रदेशात या पिकाची लागवड करण्याच्या नावाखाली शेतकऱ्यांची घोर फसवणूक होते, यावरून समाज म्हणून आपली काय यत्ता आहे हे दिसते. अमेरिकन केशर या नावाने शेतकऱ्यांच्या गळ्यात मारल्या जाणाऱ्या या बिया आहेत करडई या पिकाच्या. अमेरिकेतील बिनकाट्याची करडई अमेरिकन किंवा ऑस्ट्रेलियन केशर म्हणून खपवली जात आहे. या करडईमध्ये साफ्रानलप्रमाणे घटक आढळून येतात. त्याचा वापर पूर्वी शुद्ध केशरामध्ये भेसळ करण्यासाठी होत असे. एवढाच त्याचा आणि केशराचा संबंध. परंतु इराणमधील संशोधकांनी केशरमधील भेसळ ओळखण्यासाठी डीएनए मार्कर पद्धत विकसित केल्यापासून ही भेसळही बंद झाली आहे.
Wednesday, May 17, 2017 AT 06:00 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: