Last Update:
 
Search Tag:     Section:  
 
  From Date:     To Date:    
Total Results: 67
डॉ. रामचंद्र साबळे महाराष्ट्राच्या घाटमाथ्यावर १००८ हेप्टापास्कल इतका हवेचा दाब राहील. मध्य महाराष्ट्रावर १००६ हेप्टापास्कल इतका कमी हवेचा दाब राहील. महाराष्ट्राच्या पूर्व भागावर १००४ हेप्टापास्कल इतका कमी हवेचा दाब राहणार असल्याने वारे नैऋत्येकडून पूर्वेस वाहतील. मात्र, त्याचवेळी दिल्ली आणि राजस्थानच्या काही भागांवर केवळ ९९८ हेप्टापास्कल इतका कमी हवेचा दाब राहण्यामुळे आणि काश्मीरच्या पायथ्यास केवळ १००० हेप्टापास्कल अाणि बिहारच्या भागात १००२ हेप्टापास्कल इतका कमी हवेचा दाब राहण्यामुळे मॉन्सून वारे वेगाने दक्षिणेकडून उत्तर दिशेस वाहतील. मॉन्सूनच्या प्रगतीसाठी अत्यंत अनुकूल स्थिती अाहे. त्यामुळे हिंदीमहासागर व बंगालच्या उपसागरावर हवेच्या कमी दाबाची क्षेत्रे निर्माण झाल्यामुळे मोठ्या प्रमाणावर ढगांची दाटी झाली अाहे. मॉन्सून ता. २४ मे ते २७ मेपर्यंत बंगालचा उपसागर व्यापेल, तसेच ता. २४ मे ते २७ मेदरम्यान मॉन्सूनचा पाऊस केरळ प्रदेशात स्थिरावण्यास सुरवात होईल आणि केरळमध्ये तो निर्धारित वेळेपूर्वी ता. २८ मेपर्यंत दाखल होईल, अशी सद्यःस्थिती आहे. मॉन्सूनच्या वाटचालीत सध्यातरी कोणताही अडथळा नाही.
Saturday, May 20, 2017 AT 05:15 AM (IST)
गेल्या सप्ताहात कापूस व साखर वगळता सर्व वस्तूंचे भाव घसरले होते. याही सप्ताहात कापूस, साखर, गहू व मिरची यात काही वाढ दिसून आली, पण इतर वस्तूंत घसरण कायम राहिली. सर्वात अधिक घसरण सोयाबीन मध्ये झाली. सध्याच्या स्पॉट किमतींच्या तुलनेने पुढील काही महिन्यात कापूस, मका व हळदीचे भाव वाढतील. डॉ. अरुण कुलकर्णी समाधानकारक रबी आवक, वाढलेले रबी उत्पादन व पुरेसासाठा यामुळे जवळ जवळ सर्वच शेती मालाच्या किमतीत एप्रिलपासून उतरता कल दिसत आहे. पुढील वर्षासाठीच्या समाधानकारक पावसाच्या अंदाजामुळे व जागतिक उत्पादन व साठा यामधील अपेक्षित वाढीमुळेसुद्धा किमती उतरण्यास सहाय्य मिळाले आहे. या वर्षी अंदमान मध्ये लवकर पाऊस सुरु झाला आहे. त्यामुळे समाधानकारक पाऊस पडण्याचा अंदाज खरा ठरण्याची शक्यता वाढली आहे. गेल्या सप्ताहातील एनसीडीइएक्स व एमसीएक्समधील किमतीतील चढउतार खालीलप्रमाणे होते. मिरची मिरचीच्या (जून २०१७) किमती गेल्या सप्ताहात ८.२ टक्क्यांनी घसरून ६,५५० रुपयांवर आल्या होत्या. या सप्ताहात ०.७ टक्क्यांनी वाढून ६,५९८ रुपयांवर आल्या आहेत. स्पॉट किमती (गुंटूर) ६,५५६ रुपयांवर आल्या आहेत.
Friday, May 19, 2017 AT 06:30 AM (IST)
डॉ. अमित शर्मा, डॉ. आनंद सरोदे जनावरांच्या आहारामध्ये सामान्य क्रिया घडवण्यासाठी कर्बोदके, प्रथिने व क्षार जास्त प्रमाणात तर जीवनसत्त्वे व खनिजे कमी प्रमाणात लागतात. जनावरांच्या आहारामध्ये एकूण २२ खनिजांची आवश्यकता असते. ज्यामध्ये कॅल्शिअम, फॉस्फरस, मॅग्नेशिअम, गंधक, सोडिअम, पोटॅशिअम आणि क्लोरिन ही सात प्रमुख खनिजे आहेत. सूक्ष्म खनिजांमध्ये मुख्यतः लोह, जस्त, मॅंगेनीज, तांबे, आयोडीन, कोबाल्ट आणि सेलेनीअम अशा १५ सूक्ष्म खनिजांचा समावेश होतो.  दुधाळ जनावरांच्या आहारामध्ये मुख्यतः धान्य, ढेप, हिरवा व सुक्या चाऱ्याचा वापर होतो. ज्यामधून आवश्यकतेनुसार प्रथिने, कर्बोदके आणि स्नीग्ध पदार्थ उपलब्ध होतात परंतु खनिजांची पूर्तता होऊ शकत नाही. दुधाळ जनावरांची खनिजांची गरज पूर्ण न झाल्यामुळे दूध उत्पादनावर व प्रजनन क्षमतेवर विपरीत परिणाम दिसून येतात. जनावरांच्या चयापचय क्रियेसाठी खनिजांची गरज असते. जनावरांच्या आहारामध्ये नियमित लागणारी खनिजांची मात्रा. मुख्य खनिजे---प्रमाण (टक्के)---सुश्म खनिजे---प्रमाण (मिलीग्रॅम/किलो आहार) कॅल्शिअम---०.६६---लोह---५० फॉस्फरस---०.४१--- तांबे---१० मॅग्नेशिअम---०.
Friday, May 19, 2017 AT 06:00 AM (IST)
वातावरणातील वाढत्या उष्णतेमुळे डोळ्यांची अाग, तळपायांची अाग अशी लक्षणे त्रास देऊ लागतात. बऱ्याच वेळेला नाकातून रक्त येणे, शाैच्यावाटे किंवा खोकताना रक्त पडणे, मासिक पाळीच्या वेळी जास्त प्रमाणात रक्तस्त्राव होणे अशी लक्षणेही पहावयास मिळतात. याला आयुर्वेदात रक्तपित्त असे म्हणतात. डाॅ. विनिता कुलकर्णी अधिक उष्णता, पित्त वाढविणारा अाहार अाणि ऊन या तिन्हींचा एकत्रित परिणाम म्हणून अचानक रक्तस्त्राव होऊ शकतो. सविस्तर कारणे जर माहीत असतील तर उन्हाळ्यात योग्य ती काळजी घेता येईल. आधुनिक शास्त्राप्रमाणे प्लेटलेटची संख्या कमी झाल्याने (थ्रॉम्बोसोयटोपेनीया) असा रक्तस्त्राव होतो. त्यात काही विकृती असेल तर रक्त गोठण्याची क्रिया मंदावते अाणि थोड्या कारणानेही प्रचंड रक्तस्त्राव होतो. व्हिटॅमिन सीचा अाभाव, ॲलर्जी, केशवाहिन्याचे दोष, वार्धक्य इत्यादी कारणांनी परप्युरा, हिमोफिलिया या व्याधीतही रक्तस्त्राव अाढळतो तसेच घशातून रक्त येणे, घोळणा फुटणे इ. कारणांमुळेही रक्तस्त्राव होतो. या लक्षणांत वारंवारता असेल तर तपासण्या करून घ्याव्यात. उष्ण प्रकृती असल्यास उन्हामुळे शीतोपचार, अाहार-विहार सांभाळावा लागतो.
Thursday, May 18, 2017 AT 06:00 AM (IST)
फळांच्या गरात फायबरचे प्रमाण चांगले असते. तसेच ‘ए’, ‘बी’, ‘सी’ ‘ई’ आणि ‘के’ ही जीवनसत्त्वे आणि खनिजेही फळांमधून मिळतात. गराबरोबर सालीलाही महत्त्‍व अाहे, त्यामुळे काही फळे सालीसह खाणे उपयुक्त अाहे. कीर्ती देशमुख ऊस ऊस खाण्यामुळे लघवी साफ होते. तसेच लघवीच्या वेळी आग होत असल्यासही तो उपयुक्त ठरतो. कावीळ अाजारामध्ये ऊस अाैषध म्हणून काम करताे. कावीळ झालेल्या रुग्णाने रोज दोन वेळा जेवणापूर्वी ऊस खावा. चार, पाच दिवसांत प्रकृतीत सुधारणा होते. ऊस थंड असतो, त्यामुळे उन्हाळ्यात जास्त फायदेशीर अाहे. लिंबू लिंबू उभे कापून त्यावर खडीसाखर घालून चोखल्यास ओकारी थांबते. पोटदुखीवर आले व लिंबाचा रस साखर घालून सेवन करावा. अजीर्णावर लिंबू उपयुक्त आहे. लिंबू आडवे कापून त्यावर सुंठ किंवा सैंधव (मीठ) घालून निखाऱ्यावर गरम करावे आणि वारंवार चोखावे. त्यामुळे करपट ढेकर, ओकारी, पोटफुगी वगैरे त्रास कमी होतो. पित्त झाले असल्यास रोज लिंबाचे सरबत घ्यावे. त्याने भूक वाढते. अन्न पचते व शौचास साफ होते. मेदवृद्धी म्हणजे लठ्ठपणा कमी करण्यासाठीही रोज लिंबाचा रस घेतल्याने उपयोग होतो.
Thursday, May 18, 2017 AT 06:00 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: