Last Update:
 
Search Tag:     Section:  
 
  From Date:     To Date:    
Total Results: 91
या सप्ताहात मिरची, सोयाबीन, गहू व गवार बी यांचे भाव घसरले. साखरेचे भाव वाढले. खरीप मका व हळदीचे भाव किंचित वाढले. मिरची, गहू व हळद यांचे फेब्रुवारी नंतरचे फ्युचर्स भाव वाढत्या उत्पादनाच्या अपेक्षेने सध्याच्या स्पॉट भावांपेक्षा कमी आहेत. ज्यांच्याकडे मागील पिकाचा साठा असेल, त्यांनी तो विकून टाकावा. नवीन पिकाच्या उत्पादकांनी हेजिंगचा विचार करावा. डॉ. अरुण कुलकर्णी पुढील सप्ताहात आवक वाढण्याची शक्यता आहे. मागणीसुद्धा वाढती राहील. यांचा परिणाम म्हणून भाव काहीसे स्थिर राहतील. १ डिसेंबरपासून एप्रिल २०१७ साठी खरीप मका, रब्बी मका, गहू व गवार बी यांचे, मे २०१७ साठी सोयाबीन व कापसाचे आणि जुलै २०१७ साठी मिरची व हळद यांचे नवीन व्यवहार सुरू झाले. त्याचप्रमाणे जुलै २०१८ साठी साखरेचे व्यवहार सुरू झाले. गेल्या सप्ताहातील एनसीडीईएक्स व एमसीएक्समधील किमतीतील चढ-उतार खालीलप्रमाणे होते. मिरची मिरचीच्या (मार्च २०१७) किमती या सप्ताहात ८,८१८ रुपयांवर आल्या आहेत. स्पॉट किमती (गुंटूर) १२,४८० रुपयांवर आहेत. सध्याच्या स्पॉट किमतीपेक्षा जून २०१७ मधील फ्युचर्स किमती, नवीन पिकाच्या आवकेमुळे २९.
Friday, December 09, 2016 AT 06:15 AM (IST)
पौष्टिक खाद्य पक्ष्यांना दिल्याने पक्ष्यांची रोगप्रतिकारकशक्ती वाढेल, तसेच शरीराची झीज भरून काढली जाईल. अंडी व मांस उत्पादनात वाढ होईल. डॉ. सुधीर राजूरकर, डॉ. दीपिका वानखडे ज्या खाद्यामध्ये पक्ष्यांच्या वयोमानाप्रमाणे सर्व अन्नघटक आवश्यकतेप्रमाणे योग्य प्रमाणात असतात, त्यामुळे पक्ष्यांच्या वाढीस व उत्पादनास योग्य चालना मिळते. त्यास समतोल आहार म्हणतात. समतोल आहार हा पक्ष्यांच्या वयानुसार बदलत असतो. त्यात प्रथिने व ऊर्जा यांचे प्रमाण कमी-जास्त होत असते. पक्ष्यांना दात नसतात, त्यामुळे पक्षी खाद्य चोचीने टिपतो आणि चक्कीद्वारे (गिझार्ड) पचवितो.  - पक्ष्यांना पावडरमध्ये किंवा पावडरच्या रूपाने खाद्य न देता भरडलेले खाद्य द्यावे. पावडर स्वरूपात दिलेले खाद्य चोचीमध्ये चिकटते. - पिलांच्या वयानुसार आहार देताना पक्ष्यांच्या खाद्यात प्रथिने, स्निग्धांश, कर्बोदके, ऊर्जा, फायबर, क्षार, जीवनसत्त्वे यांचे योग्य प्रमाण असणे आवश्यक आहे. - खाद्यामध्ये शिंपल्याची पूड, फिश मिल, कॅल्शिअम, फॉस्फरस युक्त खाद्य घटक मिसळावेत, त्यामुळे अंड्यांचे कवच टणक होते .
Friday, December 09, 2016 AT 06:00 AM (IST)
सुकविलेल्या फळे व भाज्यांना वर्षभर मागणी असते. निर्जलीकरणामुळे त्यांची टिकवणक्षमता सहा महिन्यांपेक्षा जास्त असते. असा उद्योग वर्षभर चालू ठेऊन तो बहुउद्देशीय करून निश्चितच फायद्याचा ठरू शकेल. डॉ. विक्रम कड सर्वसाधारणपणे पालेभाज्या गरम हवेच्या झोतामध्येच सुकवितात. तथापि, काही फळे भाज्यांना फ्रिज ड्राइंग तंत्रज्ञान वापरून सुकवितात. उन्हात वाळविण्यापेक्षा या तंत्राचा चांगला उपयोग होतो. चांगला दर्जाचा भरपूर माल ठराविक वेळात मिळविता येतो. सुकविलेल्या प्रक्रियायुक्त पदार्थामध्ये प्रामुख्याने कांदा पावडर, बटाट्याचे पदार्थ, टोमॅटो पावडर, गाजर पावडर व कीस, वाटाणा, मशरूम, ॲस्पॅरॅगस, मेथी, पालक, लसूण, कोबी, बीन्स, फ्लॉवर, गवार, भेंडी, ब्रोकोली, पार्सले, ढोबळी मिरची, हिरवी मिरची, लाल मिरची, हळद, धने पूड, जिरे पूड, मसाल्याच्या पावडरी, बीट रूट, रताळे इत्यादी आढळतात. सुकविलेल्या फळे-भाज्यांची आहार मूल्ये -  - सुकविलेल्या फळे व भाज्यांमध्ये भरपूर प्रमाणात आहारमूल्ये (घटक) टिकवली जातात. सुकविण्याची क्रिया करण्यापूर्वी कच्च्या मालावर विविध प्रक्रिया केल्या जातात.
Thursday, December 08, 2016 AT 06:15 AM (IST)
मत्स्य तळ्यामध्ये एकलिंगी तिलापिया माशांचे संवर्धन करणे फायदेशीर ठरते. एकलिंगी गिफ्ट तिलापिया मासे जलद गतीने वाढतात व त्यांचे आकारदेखील एकसारखे मिळतात. बारमाही तलावात तीन वेळा गिफ्ट तिलापिया माशांचे संवर्धन करणे शक्य आहे. स्थानिक बाजारपेठेत या माशाला चांगली मागणी आहे. उमेश सूर्यवंशी तिलापिया माशाला पाण्यातील चिकन असेदेखील म्हटले आहे. तिलापिया माशाची जात जलद गतीने वाढते. गिफ्ट तिलापिया माशाची वैशिष्ट्ये - ही जात सर्व प्रकारचे पूरक खाद्य खाते. - हंगामी तलावात संवर्धन करता येते. तलावात बीज संचयन घनतादेखील जास्त ठेवता येते. - रोगप्रतिकारक क्षमतादेखील जास्त असते. - बारमाही तलावात तीन वेळा तिलापिया जातीच्या माशांचे संवर्धन करणे शक्य आहे. - संवर्धन करण्यापूर्वी, मत्स्य व्यवसाय विभाग महाराष्ट्र राज्य यांची परवानगी घेणे आवश्‍यक असते. यासाठी जिल्हा मत्स्य व्यवसाय अधिकारी कार्यालयाशी संपर्क साधावा. - मत्स्य तळ्यामध्ये एकलिंगी तिलापिया माशांचे संवर्धन करणे फायदेशीर ठरते. एकलिंगी तिलापिया मासे जलद गतीने वाढतात व त्यांचे आकारदेखील एकसारखे मिळतात.
Wednesday, December 07, 2016 AT 06:00 AM (IST)
डॉ. रामचंद्र साबळे महाराष्ट्रावर सध्या १०१४ हेप्टापास्कल इतका अधिक हवेचा दाब राहील. ता. ४ डिसेंबर रोजी बंगालच्या उपसागरात चक्रीवादळ निर्मितीची शक्यता असून, अरबी समुद्राच्या दक्षिणेकडील भागावरही हवेच्या कमी दाबाचे क्षेत्र निर्माण होईल. हवेचा अधिक दाब राहण्यामुळे थंडीचे सध्याचे प्रमाण कायम राहील. ता. ५ डिसेंबरच्या दरम्यान चक्रीवादळाची वाटचाल पूर्वकिनारी भागाच्या दिशेने होईल. तामिळनाडू व आंध्र प्रदेशच्या पूर्वकिनारी भागात त्यामुळे पावसाची शक्यता निर्माण होईल. ता.. ७ डिसेंबरपर्यंत ते पूर्वकिनारी भागास चांगल्या पावसास सुरवात करेल. त्यानंतर वादळीवारे आणि पाऊस याचा प्रभाव पूर्वकिनारी भागालगतच्या भूपृष्ठावर जाणवेल. त्याच दरम्यान हवेच्या दाबात बदल होतील. हिमालय पर्वत रांगांच्या पायथ्याशी १०१४ हेप्टापास्कल इतका अधिक हवेचा दाब निर्माण होऊन वारे उत्तर दिशेने दक्षिणेकडे वाहतील. त्यातून हवेतील तापमान आणखी कमी होईल. आणि थंडवारे दक्षिण दिशेस वाहतील. त्यामुळे थंडीचे प्रमाण कायम राहील. हवेत बाष्पाचे प्रमाण वाढल्याने सकाळच्या वेळी पिकांवर दव दिसेल.  कमाल तापमानात काही भागांत वाढ होईल.
Saturday, December 03, 2016 AT 05:45 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: