Last Update:
 
Search Tag:     Section:  
 
  From Date:     To Date:    
Total Results: 9
नागपूर : ‘राज्याच्या विकासातील विविध उपक्रमांमध्ये प्रशिक्षण व प्रबोधनाच्या माध्यमातून सहभागी होत समाजाचा उत्कर्ष साधण्याचा सकाळ माध्यम समूहाचा हेतू आहे,’ असे प्रतिपादन सकाळ माध्यम समूहाचे अध्यक्ष प्रतापराव पवार यांनी येथे केले.      सकाळ-अॅग्रोवन सरपंच महापरिषदेेस रविवारी (ता. २५) प्रारंभ झाला. या वेळी उद्‌घाटन सत्रात श्री. पवार बोलत होते. कृषिकेंद्रित ग्रामविकासाच्या प्रबोधन व प्रशिक्षणाबाबत भूमिका स्पष्ट करताना श्री. पवार म्हणाले, की ‘राज्याच्या विकासातील विविध उपक्रमांमध्ये प्रशिक्षण व प्रबोधनाच्या माध्यमातून सहभागी होत समाजाचा उत्कर्ष साधण्याचा सकाळ माध्यम समूहाचा हेतू आहे. यासाठी विविध उपक्रमांमधून आम्ही बारा महिने चोवीस तास गुंतवून घेतलेले आहेत. तनिष्काच्या माध्यमातून महिलांसाठी, अॅग्रोवनच्या माध्यमातून शेतकऱ्यांसाठी, तसेच ‘यिन’च्या माध्यमातून युवकांसाठी उपक्रम राबविले जात आहेत. तनिष्का स्मार्ट व्हिलेजसाठी इस्राईलच्या माध्यमातून आम्ही राज्याचा ग्रामविकास व शेतीत परिवर्तन घडवून आणणारा प्रयोग राबवत आहोत.’      ‘शेती हा व्यवसाय आहे.
Monday, December 26, 2016 AT 10:26 AM (IST)
नागपूर (प्रतिनिधी) : ‘सरपंचाने कायद्याचा सखोल अभ्यास करून विकासकामांचे नियोजन केल्यास ग्रामपंचायत विकासाचे मंदिर होईल. मात्र, त्याचवेळी गावातील वंचित घटक या मंदिरातील देव असायला हवेत, हेही लक्षात ठेवा,’ असे प्रतिपादन हिवरेबाजारचे सरपंच तसेच आदर्श गाव समितीचे कार्यकारी संचालक पोपटराव पवार यांनी आज (रविवार) येथे केले. सरपंच महापरिषदेच्या प्रारंभ सत्रात ‘ग्रामविकास आणि सरपंच’ या विषयावर मार्गदर्शन करताना ते बोलत होते. व्यासपीठावर आमदार आशिष देशमुख, ॲग्रोवनचे संपादक आदिनाथ चव्हाण आणि ‘सकाळ’च्या विदर्भ आवृत्तीचे कार्यकारी संपादक शैलेश पांडे यांची उपस्थिती होती.  पोपटराव पवार म्हणाले, ‘सरपंचांनी गावे बदलण्याचा संकल्प स्वतःपासून केल्यास गावांचा कायापालट होण्यास वेळ लागणार नाही. सुरू केलेल्या कामात सातत्य ठेवून त्याचे योग्य नियोजन केल्यास आदर्श गाव निर्माण व्हायला वेळ लागणार नाही. सरपंच झाल्यानंतर सुरवातीलाच गावाची संपूर्ण कुंडली जाणून घेतली पाहिजे. ग्रामसभेपासून ते ग्रामपंचायतीच्या अधिनियमांपर्यंत अभ्यास केला तर विकासकामांना वाव मिळेल. सुरवातीला मीसुद्धा असाच अभ्यास केला.
Monday, December 26, 2016 AT 10:19 AM (IST)
राज्यात २८ हजार ग्रामपंचायती असल्या, तरी आदर्श ग्रामपंचायत म्हणून हिवरेबाजार आणि त्यापाठोपाठ पोपटराव पवार असे नाव चटकन डोळ्यासमोर येते. राज्यात आदर्श गाव योजनेची धुरा त्यांच्याकडे सोपविण्यात आली आहे. राज्याचे ग्रामपंचायत विकासाचे धोरण सुचविणाऱ्या तज्ञ गटातदेखील सरकारने त्यांना स्थान दिले आहे. सकाळ माध्यम समूहाच्या सहाव्या ‘ॲग्रोवन सरपंच महापरिषदे’च्या निमित्ताने आदर्श गाव योजनेचे कार्याध्यक्ष पोपटराव पवार यांच्याशी साधलेला हा संवाद... प्रश्न : ॲग्रोवन सरपंच महापरिषद यंदा नागपूरला होतेय. त्यानिमित्ताने तुम्ही कोणती भूमिका मांडणार आहात? उत्तर : ॲग्रोवनच्या गेल्या एक तपाच्या वाटचालीचा मी साक्षीदार आहे. राज्याची शेती आणि ग्रामविकासाला माहितीच्या माध्यमातून जागृत करण्याबरोबरच एक नवे वळण आणि दृष्टी देण्याचा धाडसी प्रयोग पत्रकारितेच्या माध्यमातून तुम्ही करता आहात. ॲग्रोवनचे उपक्रम व भूमिका ग्रामीण महाराष्ट्रासाठी दिशादायक ठरली आहे. माजी केंद्रीय कृषिमंत्री शरद पवार यांनी एकदा हिवरेबाजारला भेट दिल्यानंतर त्यांची आणि सकाळ माध्यम समूहाचे अध्यक्ष प्रतापराव पवार यांची ग्रामविकास प्रबोधनाविषयी चर्चा झाली.
Monday, December 26, 2016 AT 10:02 AM (IST)
‘आपण शेती हा ग्रामविकासाचा गाभा ठेवला पाहिजे. शेतीचा विकास झाला तरच गावाचा विकास झाला, असे म्हणता येईल,’ असे मत सोलापूर जिल्ह्यात गटशेती रुजविणारे अंकुश पडवळे यांनी व्यक्त केले.  ते म्हणाले, की सोलापूर जिल्ह्यातील मंगळवेढासारख्या दुष्काळी तालुक्यात गटशेतीच्या माध्यमातून २०० शेडनेट उभे केले. एकाच वेळी हे प्रस्ताव तयार करून बँकांना सादर केले. बँकांनी २७ कोटी रुपये शेडनेट उभारणीसाठी दिले. सीएचे प्रमाणपत्र, प्रकल्प अहवाल अत्यंत कमी पैशात तयार केले. कृषी विभागाचे अनुदान मिळवण्यासाठी एकाच वेळी हे प्रस्ताव दिले. कृषी खात्याने केवळ महिनाभरात अनुदान दिले. यासाठी सातत्याने पाठपुरावा केला. आज काळाची गरज ओळखून शेती करण्याची गरज आहे. जे विकते ते पिकवण्याची कला अवगत केली पाहिजे. एक गाव एक पीक पॅटर्न उभा केला पाहिजे. आम्ही गटाच्या माध्यमातून शेडनेटमध्ये पीक अभ्यास केला. मोकळ्या शेतात घेतले जाणारे काकडी, मिरची आदी पिके शेडनेटमध्ये घेऊन उत्पादकता वाढवली. शिवाय दर्जेदार माल उत्पादित केला. यामुळे दोन पैसे अधिक मिळाले. गटाने शेती करण्याचा आणखी फायदा म्हणजे आमच्या शेतकऱ्याला त्याच्या बांधावरच मुंबईचा दर मिळाला.
Monday, December 26, 2016 AT 09:59 AM (IST)
नागपूर (प्रतिनिधी) : ‘राज्यातील शेतजमिनीचे झपाट्याने तुकडे होत आहेत. त्यामुळे ७८ टक्के शेतकरी अल्पभूधारक बनले आहे. त्यात पुन्हा शेती पूर्णतः मान्सूनवर अवलंबून आहे. त्यामुळे शास्त्रोक्त पद्धतीने गटशेती आवश्यक आहे. कृषिविकासाशिवाय ग्रामविकास शक्य नाही,’ असे मत राज्याचे कृषी आयुक्त विकास देशमुख यांनी व्यक्त केले. अॅग्रोवन सरपंच महापरिषदेच्या द्वितीय परिसंवादात ‘कृषिविकासातून ग्रामविकास’ या विषयावर सरपंचांना मार्गदर्शन करताना ते बोलत होते. या परिसंवादाला ‘सह्याद्री अॅग्रो`चे विलास शिंदे, ‘महाआॅरेंज`चे श्रीधर ठाकरे, प्रयोगशील शेतकरी अंकुश पडवळे आणि ॲग्रोवनचे संपादक आदिनाथ चव्हाण यांची उपस्थिती होती. कृषी आयुक्त विकास देशमुख म्हणाले, ‘‘राज्याच्या शेतीमध्ये अनेक समस्या असल्या तरी सर्व संकटावर मात करून व्यावसायिक शेती करता येते हे विलास शिंदे, अंकुश पडवळे यांच्यासारखे युवा शेतकरी उदाहरण ठरले आहेत. गावपातळीवर अशा युवकांना ग्रामपंचायती किंवा सरपंचांनी शोधून प्रोत्साहन द्यावे.’’ पाण्याच्या प्रत्येक थेंबाचा काटकसरीने वापर करावा. शेतमालाचे मूल्यवर्धन करून बाजाराच्या मागणीनुसार शेतमालाचा पुरवठा करावा लागेल.
Monday, December 26, 2016 AT 09:47 AM (IST)
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: