Last Update:
 
Search Tag:     Section:  
 
  From Date:     To Date:    
Total Results: 170
नाशिकला शिवसेनेच्या कृषी अधिवेशनात शेतीप्रश्‍नांचा जागर नाशिक -: कांद्याला एका एकराला ४० हजारांचा खर्च येतो. इतका खर्च करून बाजारात पदरात फक्त ४०० रुपयेच पडतात. सगळ्याच पिकांचं असं झालंय. शेतकरी जगावा असं खरंच सरकारला वाटतंय का? उत्पन्नच मिळत नसल्यावर शेतकरी जिवंत राहील का? असा आर्त सवाल शेतकऱ्यांनी शिवसेनेच्या कृषी अधिवेशनात मांडला.  सर्व पिकांची अवस्था बिकट असतांना शेतकरी अडचणीत सापडला आहे. या पार्श्‍वभूमीवर शिवसेनेने शुक्रवारी (ता.१९) नाशिकच्या चोपडा लॉन्समध्ये घेतलेल्या कृषी अधिवेशनाला उत्तर महाराष्ट्रातील शेतकऱ्यांचा मोठा प्रतिसाद लाभला. पहिल्या सत्रात शेतकऱ्यांची प्रातिनिधीक मनोगते व्यक्त झाली. कधी नव्हे इतकी कोंडी शेतकऱ्यांची झाली असताना शेतकऱ्याला जगवा, असा सूर या मनोगतांतून उमटला.  सहकार राज्यमंत्री दादा भुसे यांनी प्रास्ताविक केले. ते म्हणाले, की वर्ष २०१५ ते २०१७ या दोन वर्षांच्या कालावधीत राज्यात ७१०० शेतकऱ्यांनी आत्महत्या केल्या अाहेत. तर प्रगतिशील म्हणून ओळखल्या जाणाऱ्या उत्तर महाराष्ट्रात पहिल्यांदाच या दोन वर्षांत तब्बल १४०० शेतकऱ्यांनी मरणाला जवळ केले आहे.
Saturday, May 20, 2017 AT 06:15 AM (IST)
उद्धव ठाकरे स्वाभिमानी शेतकरी संघटनाही होणार सहभागी नाशिक - "मी कर्जमुक्त होणारच!' असे घोषवाक्‍य घेऊन शिवसेनेने शेतकरी कर्जमुक्त अभियान सुरू केले आहे. एक महिना हे अभियान चालेल. पहिल्या टप्प्यात खासदार राजू शेट्टी यांच्या नेतृत्वाखाली स्वाभिमानी शेतकरी संघटना राज्यभर हे अभियान नेईल. 1 जूनपासून मी स्वत:ही या अभियानात सक्रिय सहभागी होईल. राज्यातील प्रत्येक भागातील शेतकऱ्यांची भेट घेईल, अशी घोषणा शिवसेनाप्रमुख उद्धव ठाकरे यांनी शुक्रवारी (ता.19) येथे झालेल्या कृषी अधिवेशनात केली. शेतकऱ्यांना न्याय मिळेपर्यंत गप्प बसणार नाही, असे सांगत राज्य व केंद्र सरकारच्या शेतकरीविरोधी धोरणांवर कडाडून हल्ला चढवला. उद्धव ठाकरे म्हणाले, की संकटात सापडलेला शेतकरी टाहो फोडतोय. सत्तेत मश्‍गूल झालेल्या सरकारला त्याकडे लक्ष द्यायला वेळ नाही. समृद्धी एक्‍स्प्रेस, बुलेट ट्रेन या बाबींचं स्वप्न दाखवित समाजाला गुंगीत ठेवलं जात आहे. "मी कर्जमुक्त होणारच' हे अभियान शेतकऱ्यांना न्याय मिळवून देईपर्यंत थांबणार नाही. खासदार राजू शेट्टी शिवसेनेसोबत या अभियानात आहे. राज्यातील प्रत्येक शेतकरी या अभियानात सहभागी होईल.
Saturday, May 20, 2017 AT 06:00 AM (IST)
कऱ्हाड येथील सर्वपक्षीय बैठकीत ठराव कऱ्हाड, जि. सातारा - शेतकऱ्यांच्या मागण्यांसाठी सर्वपक्षीय उठाव करून जास्तीत जास्त शेतकऱ्यांना संपात सहभागी करून घेण्यासाठी प्रयत्नशील राहण्याचे ठरविण्यात आले आहे. कऱ्हाडमध्ये बुधवारी (ता. १७) शेतकरी संपासंदर्भात झालेल्या सर्वपक्षीय बैठक हा निर्णय घेण्यात आला.  या वेळी बळिराजा शेतकरी संघटनेचे केंद्रीय अध्यक्ष पंजाबराव पाटील, साजीद मुल्ला, स्वाभिमानी शेतकरी संघटनेचे सचिन नलवडे, राकेश पाटील, विकास हादवे, मनसेचे सागर बर्गे, मनोज माळी, दिनकर पाटील, दत्ता पाटील, संभाजी माने, सागर पाटील, अशोक लोहार यांच्यासह शेतकरी, पदाधिकारी, कार्यकर्ते उपस्थित होते.  या वेळी शेतकऱ्यांच्या प्रश्‍नावर चर्चा करण्यात आली. त्यात शेतकऱ्यांची कर्जमुक्ती, स्वामिनाथन आयोगाच्या शिफारशी लागू कराव्यात, शेतीसाठी बिनव्याजी कर्जपुरवठा करावा, शेतकऱ्यांना पेन्शन सुरू करावी, दुधाला प्रतिलिटर ५० रुपये दर मिळावा, शेतीसाठी अखंडित व मोफत वीज द्यावी, ठिबक व तुषार सिंचनासाठी १०० टक्के अनुदान द्यावे आदी विषयांवर चर्चा झाली.
Friday, May 19, 2017 AT 06:15 AM (IST)
वाशीम - शासनाच्या पन्नास कोटी वृक्षलागवड कार्यक्रमांतर्गत १ ते ७ जुलै या कालावधीत राज्यात चार कोटी वृक्षलागवड करण्यात येणार आहे. या मोहिमेत सहभाग नोंदवून उत्कृष्ट कामगिरी करणाऱ्या जिल्ह्यातील ग्रामपंचायतींचा स्वातंत्र्यदिनी सन्मान करण्यात येणार असल्याची माहिती जिल्हाधिकारी राहुल द्विवेदी यांनी दिली.  जिल्हाधिकारी यांच्या उपस्थितीत झालेल्या आढावा बैठकीला जिल्हा परिषदेचे मुख्य कार्यकारी अधिकारी गणेश पाटील, उपजिल्हाधिकारी सुनील कोरडे, सहायक वन संरक्षक आर. बी. गवई, कारंजाचे उपविभागीय अधिकारी डॉ. शरद जावळे, वाशीमच्या उपविभागीय अधिकारी क्रांती डोंबे, जिल्हा अधीक्षक कृषी अधिकारी दत्तात्रय गावसाने, उपप्रादेशिक परिवहन अधिकारी अर्चना गायकवाड यांच्यासह सर्व तहसीलदार व इतर विभागाचे अधिकारी उपस्थित होते. वाशीम जिल्ह्याला पाच लाख आठ हजार वृक्षलागवडीचे उद्दिष्ट प्राप्त झाले आहे. या अनुषंगाने पाच लाख २२ हजार वृक्षलागवडीचे नियोजन करण्यात आले आहे. सर्व संबंधित यंत्रणांनी समन्वयाने काम करण्याच्या सूचना देण्यात आल्या आहेत.
Thursday, May 18, 2017 AT 06:00 AM (IST)
शिवसेना कार्यकर्त्यांचा बँक अधिकाऱ्यांना घेराव    अकाेला - सध्या बँकेतून पैसे मिळत नसल्याने सर्वसामान्यांसह शेतकऱ्यांची मोठी कोंडी झाली अाहे. याबाबत शिवसेनेकडून बुधवारी (ता.१७) येथील स्टेट बँकेच्या अधिकाऱ्याला जाब विचारून चलन तुटवडा तातडीने कमी करा, अन्यथा शिवसेना स्टाइलने अांदोलन करण्याचा इशारा दिला आहे.  केंद्राने नाेटाबंदी केल्यापासून दैनंदिन व्यवहार करताना रोख रकमेची प्रचंड तूट निर्माण झाली आहे. याचा फटका प्रामुख्याने शेतकऱ्यांना बसत अाहे. नोटाबंदीच्या निर्णयाला सहा महिने उलटले तरी चलन तुटवडा दूर झाला नसल्याने सर्वसामान्य जनता त्रासली अाहे.  लवकरच खरीप हंगामाला सुरवात होत असून शेतीची मशागत, बी-बियाणे, खते खरेदीसह इतर कामांसाठी शेतकऱ्यांना पैशाची अावश्यकता अाहे. बॅंक खात्यात पीक कर्जाची, तुरीची रक्कम असूनही ती मिळवताना शेतकऱ्यांना त्रास सहन करावा लागत आहे. अनेकदा बॅंकेत पैसे काढण्यासाठी गेलेल्या शेतकऱ्यांना रिकाम्या हाताने परतावे लागत अाहे. यामुळे शेतकऱ्यांंमध्ये तीव्र असंताेष अाहे.
Thursday, May 18, 2017 AT 06:00 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: