Last Update:
 
Search Tag:     Section:  
 
  From Date:     To Date:    
Total Results: 7
पुणे विभागातील स्थिती खरीप हंगामासाठी नियोजन पुणे - येत्या खरीप हंगामासाठी आवश्यक असलेल्या कृषी निविष्ठांचा पुरवठा करण्यात येत आहे. पुणे विभागातील कृषी निविष्ठा विक्रेत्यांना आतापर्यंत ६१ हजार मेट्रिक टन खताचा तर २४ हजार ४६ क्विंटल बियाण्यांचा पुरवठा करण्यात आला आहे. येत्या महिनाअखेरपर्यंत मोठ्या प्रमाणात पुरवठा होणार असून, खरिपात शेतकऱ्यांना खते व बियाण्यांबाबत अडचणी येणार नसल्याचे कृषी विभागाच्या सूत्रांनी सांगितले.  पुणे विभागात खरिपाचे सरासरी क्षेत्र सात लाख ८८ हजार ४८० हेक्टर आहे. त्यात पुणे जिल्ह्यात दोन लाख ३० हजार ८३०, नगर जिल्ह्यात ४ लाख ७८ हजार ६४० आणि सोलापूरमध्ये ८९ हजार ०२० हेक्टर क्षेत्राचा समावेश आहे. त्यापैकी चालू वर्षी मोठ्या प्रमाणात पेरणी होण्याचा अंदाज आहे. खरिपासाठी विभागातून सात लाख २० हजार ३७९ मेट्रिक टन खताची, तर एक लाख २३ हजार ७८० क्विटल बियाण्यांची मागणी कृषी विभागाकडे आली होती. त्यानुसार कृषी विभागाने गेल्या महिन्यापासून गावपातळीवरच्या विक्रेत्यांमार्फत कृषी निविष्ठांचा पुरवठा करण्यास सुरवात केली आहे.
Wednesday, May 17, 2017 AT 06:00 AM (IST)
मार्केट, व्यापारी कशाचीच नाही हमी शेतकऱ्यांची होतेय चक्क फसवणूक  पुणे - जम्मू-काश्मीरसारखे थंड हवामान महाराष्ट्रात नसले तरी अमेरिकन केशर या पिकाची प्रायोगिक लागवड इथल्या शेतकऱ्यांनी केली यशस्वी...या केशरला किलोला तब्बल ४० हजारांपासून ते एक-दोन लाख रुपये दर...एक लाख रुपये खर्च वजा जाता चार लाखांपासून ते दहा लाख रुपये उत्पन्न शेतकऱ्यांना मिळणार...केशर विक्रीव्यतिरिक्त बी विकूनही घसघशीत उत्पन्न हाती येणार...असा आशय असलेल्या बातम्या, यशकथा गेल्या काही दिवसांपासून विविध दैनिके, टीव्ही चॅनेल्स व व्हॉटसॲपच्या माध्यमातून सातत्याने प्रसारित होत आहेत.  आधीच शेती अत्यंत खर्चिक झाल्याने व कुठल्याच पिकाला दर नसल्याने राज्यातील शेतकरी हतबल झाला आहे. नव्या पिकांचा पर्याय शोधत आहेत. अशा परिस्थितीत अमेरिकन केशर या पिकाच्या अर्थकारणाविषयी मती गुंग करणारे आकडे एेकून तो अचंबित होत आहे. ज्या भागांत हे प्रयोग होत आहेत तेथे आपल्या सहकाऱ्यांना सोबत घेऊन उत्सुकतेने त्याची पाहणी करीत आहे. ‘मार्केट’ची खात्री न करता त्याचे बियाणे महागड्या दराने खरेदी करून किमान २० गुंठ्यांत त्याचा प्रयोग करू पाहात आहे.
Tuesday, May 16, 2017 AT 06:15 AM (IST)
पुणे - गेल्या काही दिवसांपासून राज्यात असलेली उष्णतेची लाट आता अोसरली आहे. कमाल तापमानात किंचित घट झाली आहे. तरीही कमाल तापमानाचा पारा चाळीस अंशांवरच आहे. सोमवारी (ता. २४) सकाळपर्यंत चंद्रपूर येथे ४३.६ अंश सेल्सिअस तापमानाची नोंद झाली. येत्या शुक्रवारपर्यंत (ता. २८) राज्यात कोरडे वातावरण राहणार अाहे, असा अंदाज हवामान विभागाच्या सूत्रांनी व्यक्त केला आहे.  कोकण, गोव्याच्या काही भागांत कमाल तापमानात सरासरीच्या तुलनेत लक्षणीय वाढ झाली, तर विदर्भाच्या काही भागांत कमाल तापमानात सरासरीच्या तुलनेत किंचित वाढ झाली आहे. मध्य महाराष्ट्राच्या काही भागांत कमाल तापमानात सरासरीच्या तुलनेत किंचित घट झाली आहे. राज्याच्या उर्वरित भागांतील कमाल तापमान सरासरीच्या जवळपास होते.  मध्य महाराष्ट्र, कोकणातील कमाल तापमानात सरासरीच्या तुलनेत एक ते तीन अंश सेल्सिअसने घट झाली आहे. नाशिक येथे कमाल तापमानात सरासरीच्या तुलनेत तीन अंशाने घट होऊन कमाल तापमानाची ३५.१ अंश सेल्सिअसची नोंद झाली. याशिवाय पहाटे हवेत गारवा तयार होत असल्याने सरासरीच्या तुलनेत किमान तापमानात चार अंशापर्यंत घट झाली अाहे.
Tuesday, April 25, 2017 AT 06:15 AM (IST)
मध्य महाराष्ट्रात काही ठिकाणी पावसाचा अंदाज पुणे - विदर्भात तुरळक ठिकाणी असलेली उष्णतेची लाट काहीशी ओसरली आहे. अकोला येथे ४४ अंश सेल्सिअस तापमान होते. तर महाबळेश्वर येथे २०.४ अंश सेल्सिअसची सर्वांत कमी तापमानाची नोंद झाली. कर्नाटकाच्या उत्तर भाग ते मध्य महाराष्ट्राच्या दक्षिण भागात चक्राकार वाऱ्यांची स्थिती आहे. ही स्थिती समुद्रसपाटीपासून ९०० मीटर उंचीवर आहे. परिणामी, मध्य महाराष्ट्राच्या दक्षिण भागात तुरळक ठिकाणी अवकाळी पाऊस होण्याची शक्यता हवामान विभागाच्या सूत्रांनी व्यक्त केली आहे. उष्णतेच्या लाटेमुळे कमाल तापमानात सरासरीच्या तुलनेत सात अंशांपर्यंत, तर किमान तापमानात सरासरीच्या तुलनेत पाच अंशांपर्यंत वाढ झाली होती. सध्या राज्यातील बहुताशी शहरांचा पारा ४० ते ४४ अंशांच्या दरम्यान आहे. मराठवाड्यात कमाल तापमानात सरासरीच्या तुलनेत लक्षणीय वाढ झाली आहे. मध्य महाराष्ट्राच्या काही भागात व विदर्भाच्या उर्वरित भागात कमाल तापमानात सरासरीच्या तुलनेत लक्षणीय वाढ झाली आहे. तर कोकण, गोव्याच्या काही भागात कमाल तापमानात सरासरीच्या तुलनेत किंचित वाढ झाली आहे.
Saturday, April 01, 2017 AT 06:00 AM (IST)
पुणे विभागातील स्थिती : जलसंधारणाची कामे लवकरच सुरू होणार पुणे - गेल्या दोन वर्षांपासून पुणे विभागात जलयुक्त शिवार अभियान राबविण्यात येत आहे. या अभियानांतर्गत चालू वर्षी (२०१७-१८) ३८ तालुक्यांतील ८२३ गावांची निवड करण्यात आली आहे. निवडलेल्या या गावांसाठी लवकरच निधी उपलब्ध होणार आहे. या गावामध्ये जलयुक्त शिवार अभियानाची कामे सुरू केली जाणार असल्याची माहिती रोजगार हमी योजनेचे विभागीय अधिकारी विनयकुमार आवटे यांनी दिली.    गेल्या चार ते पाच वर्षांपासून विभागातील गावांना पाणीटंचाईची अधिक प्रमाणात झळ बसू लागली आहे. त्यावर मात करण्यासाठी शासनाने २०१४-१५ मध्ये जलयुक्त शिवार अभियान राबविण्याचा निर्णय घेतला. यंदा जलयुक्त शिवार अभियानांतर्गत पुणे विभागातील ८२३ गावांची निवड करण्यात आहे. या निवडलेल्या गावांमध्ये गाळ उपसा करणे, कंपार्टमेट बंडिंग, सलग समतल चार, माती नाला बांध, अनघड दगडी बांध, सिमेंट साखळी बंधारे, नाला खोलीकरण, बांधबंदिस्ती, समतल चर अशी विविध कामे करण्यात येणार आहे.  सर्वाधिक पाण्याची टंचाई असलेल्या सोलापूर जिल्ह्यामध्ये यंदा जलयुक्त अभियानांतर्गत २६५ गावांची निवड करण्यात आली आहे.
Saturday, April 01, 2017 AT 05:45 AM (IST)
1 2
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: