Last Update:
 
Search Tag:     Section:  
 
  From Date:     To Date:    
Total Results: 514
नोटाबंदीची सर्वेक्षणातील माहिती अर्थव्यवस्थेवर तात्पुरता परिणाम, दीर्घकाळासाठी फायदेशीर नवी दिल्ली - नोटाबंदी आणि नंतरच्या चलन तुटवड्याचा सर्वांत मोठा फटका कृषी क्षेत्राला बसला. फळे, भाजीपाला, फलोत्पादन, फुलोत्पादन, शेती, अन्न प्रक्रिया अादी कृषी क्षेत्राशी जोडलेल्या ८१ टक्के उद्योगांवर नोटाबंदीचा परिणाम झाला अाहे, असे एका सर्वेक्षणातून समोर अाले अाहे. नोटाबंदीच्या निर्णयाला ५० दिवस पूर्ण झाल्यानंतर ‘पीएचडी चेंबर अाॅफ कॉमर्स अँड इंडस्ट्री’ने हे सर्वेक्षण केले अाहे. हे सर्वेक्षण ५० अर्थतज्ज्ञ, ७०० उद्योजक अाणि २००० हजार लोकांच्या सहभागाने केले अाहे. नोटाबंदीचा अर्थव्यवस्थेवर झालेला नकारात्मक परिणाम तात्पुरत्या स्वरूपाचा अाहे. मात्र, नोटाबंदीचा निर्णय दीर्घकाळाच्या अार्थिक वृद्धीसाठी फायदेशीर ठरणार असल्याचे ८१ टक्के अर्थतज्ज्ञांनी म्हटले अाहे. ८ नोव्हेंबर २०१६ रोजी पंतप्रधान नरेंद्र मोदी यांनी काळा पैसा, भ्रष्टाचारविरोधात नोटाबंदीचा निर्णय जाहीर केला. त्यानंतर देशात चलन तुटवडा जाणवला. या स्थितीचा अाढावा सर्वेक्षणातून घेण्यात अाला अाहे.
Friday, January 13, 2017 AT 06:00 AM (IST)
कोल्हापूर जिल्ह्यातील चित्र जिल्हा परिषद, पंचायत समिती निवडणूक राजकुमार चौगुले कोल्हापूर : एकेकाळी सहकाराचा बालेकिल्ला म्हणून मिरविणारे कोल्हापूर. ग्रामपंचायतीपासून लोकसभेपर्यंत कोणत्याही निवडणुका लागोत, काँग्रेस आणि राष्ट्रवादी म्हणजे ग्लॅमर असणारे पक्ष. असेच चित्र असायचे. निवडणुका जाहीर झाल्या की दोन्ही पक्षांची कार्यालये तुडुंब गर्दीने भरलेली असायची. दोन्ही पक्षांकडून उमेदवारी मिळविण्यासाठी होणारी कार्यकर्त्यांची धडपड लक्षवेधी ठरायची. पण गेल्या सहा महिन्यांपासून मात्र ही परिस्थिती पूर्ण बदलली आहे. जिल्हा परिषदेच्या निवडणुका जाहीर होण्याआधीच दोन्ही पक्षांतील नाराजांची फौज भारतीय जनता पक्षात दाखल होण्यास सुरवात झाली. पक्षाचे स्थानिक कार्यक्रम असतो, की मुंबईतील कार्यक्रम. जिल्ह्यातील अनेक नेते, कार्यकर्ते या पक्षात जाहीर प्रवेश करताना दिसत आहेत. पंचवीस वर्षे दोन्ही काँग्रेसमध्ये खांद्याला खांदा लावून लढणारे अनेक नेते सध्या भाजपामध्ये डेरेदाखल होत असल्याने दोन्ही काँग्रेसला मोठा हादरा बसला आहे. यामुळे यंदा पहिल्यांदा अनेक ठिकाणी उमेवार शोधण्याची वेळ काँग्रेस व राष्ट्रवादीवर आली आहे.
Friday, January 13, 2017 AT 06:00 AM (IST)
पुणे - उत्तर भारतातील काही राज्यासह, मध्य महाराष्ट्र, विदर्भात थंडीची लाट आली आहे. मध्य महाराष्ट्रातील निफाडमध्ये गुरुवारी (ता. १२) ४.० अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले. मराठवाड्याच्या काही भागांत व विदर्भाच्या उर्वरित भागात किमान तापमान सरासरीच्या तुलनेत उल्लेखनीय घट झाली. मध्य महाराष्ट्राच्या काही भागांत किमान तापमान सरासरीच्या तुलनेत लक्षणीय घट झाली आहे. कोकण, गोव्याच्या किमान तापमानात सरासरीच्या तुलनेत किंचित घट झाली आहे. राज्याच्या उर्वरित भागात किमान तापमान सरासरीच्या जवळपास होते. गेल्‍या चोवीस तासांमध्ये मध्य महाराष्ट्रातील निफाडपाठोपाठ नाशिकमध्ये ६.० अंश सेल्सिअस तापमानाची नोंद झाली. नगरमध्ये ६.
Friday, January 13, 2017 AT 06:00 AM (IST)
साखर कारखान्यांकडून गोळा केलेले एक कोटी रुपये परत करणार पुणे - राज्यातील साखर कारखान्यांच्या निधीतून उभारण्यात येणारा भव्य शेतकरी निवास प्रकल्प पूर्णतः रद्द करण्यात आला आहे. या प्रकल्पासाठी गोळा करण्यात आलेला निधीदेखील साखर कारखान्यांना परत केला जाईल, अशी माहिती सूत्रांनी दिली. राज्यात सध्या 200 साखर कारखाने असून 27 लाख ऊसउत्पादक शेतकरी या कारखान्यांशी जोडले गेलेले आहेत. साखर कारखाने किंवा ऊसउत्पादक शेतकऱ्यांबाबत सर्व निर्णय घेणारी प्रशासकीय संस्था म्हणून पुणे येथील साखर आयुक्तालयाची निर्मिती करण्यात आली आहे. या आयुक्तालयाशेजारीच स्वतंत्र शेतकरी निवास प्रकल्प उभारण्याचा निर्णय घेण्यात आला होता. साखर कारखान्यांचे कर्मचारी व शेतकऱ्यांना या प्रकल्पाचा लाभ होईल, असे प्रकल्प अहवालात नमूद करण्यात आले होते. शेतकरी निवास उभारण्याची संकल्पना चांगली होती. तथापि, या प्रकल्पासाठी सर्वांत महत्त्वाचा मुद्दा भूखंड उपलब्धतेचा होता. पुण्यात जागेला सोन्याचे भाव असल्यामुळे प्रकल्पासाठी आसपास कोणत्याही भूखंडाचे हस्तांतर होणे अशक्‍य होते. त्यामुळे जागेअभावी हा प्रकल्प रद्द करण्याची शिफारस शासनाला केली गेली.
Friday, January 13, 2017 AT 06:00 AM (IST)
मुंबई - आपले सरकार केंद्रांच्या माध्यमातून शेतकऱ्यांना ऑनलाइन सातबारा उतारा देण्याच्या कामाला जिल्हा प्रशासनाने गती द्यावी, असे आवाहन मुख्यमंत्री देवेंद्र फडणवीस यांनी केले.    नाशिक व वर्धा या दोन जिल्ह्यांत डिजिटल सिग्नेचर असलेला सातबारा उतारा देण्याच्या सुविधेचा प्रारंभ मुख्यमंत्री देवेंद्र फडणवीस यांच्या हस्ते व महसूलमंत्री चंद्रकांत पाटील यांच्या उपस्थितीत करण्यात आला. त्या वेळी मुख्यमंत्री श्री. फडणवीस बोलत होते. मुख्य सचिव स्वाधीन क्षत्रिय, मुख्यमंत्र्यांचे अपर मुख्य सचिव प्रवीण परदेशी, माहिती व तंत्रज्ञान विभाग प्रधान सचिव विजयकुमार गौतम आदी या वेळी उपस्थित होते.  मुख्यमंत्री फडणवीस या वेळी म्हणाले, की राज्य शासनाने सामान्यांच्या सुविधांसाठी डिजिटल व्यासपीठांचा प्रभावीपणे वापर सुरू केला आहे. आपले सरकार पोर्टलच्या माध्यमातून आता ऑनलाइन डिजिटल सही असलेला सातबारा उतारा देण्याची सुविधा निर्माण करण्यात आली आहे. पथदर्शी प्रकल्पात नाशिक व वर्धा या दोन जिल्ह्यांत पूर्णपणे ऑनलाइन सातबारा देण्याची सोय उपलब्ध करून दिली आहे.
Friday, January 13, 2017 AT 05:45 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: