Last Update:
 
Search Tag:     Section:  
 
  From Date:     To Date:    
Total Results: 400
पुणे -राज्यात गेल्या हंगामाच्या तुलनेत यंदा ऊस लागवड किमान ३० टक्क्यांपेक्षा जास्त वाढण्याची शक्यता आहे, असे सहकार विभागातील सूत्रांनी सांगितले. मात्र, काही भागात पाण्याअभावी उसाची उत्पादकतेत मोठ्या प्रमाणात घट येणार आहे. त्यामुळे येत्या हंगामात मुबलक ऊस उपलब्ध राहील असे  वाटत नाही, असे निरीक्षण साखर संघाने नोंदविले आहे.   साखर आयुक्त सुभाष कडू पाटील यांच्या म्हणण्यानुसार, राज्यात २०१५-१६ मधील हंगामात शेतकऱ्यांनी ९ लाख ८७ हजार हेक्टरवर ऊस होता. मात्र, सलग  दोन वर्षे दुष्काळाशी सामना करावा लागल्यामुळे गेल्या हंगामात पेरा घसरला. त्यामुळे गेल्या हंगामात म्हणजे २०१६-१७ मध्ये अवघ्या ६ लाख ३३ हजार हेक्टरवर ऊस उपलब्ध झाला. मात्र, येत्या २०१७-१८ मधील हंगामासाठी पेरा वाढण्याचे संकेत मिळत आहेत. कारखान्यांसाठी यंदा ९ लाख हेक्टरपेक्षा जादा ऊस उपलब्ध राहू शकतो. मात्र, नेमके किती उत्पादन होणार तसेच साखर किती तयार होणार याविषयी आताच कोणताही अंदाज लावता येणार नाही.
Friday, May 26, 2017 AT 12:20 PM (IST)
- निवडणुकांना सहा महिन्यांची मुदतवाढ - अधिवेशनात कायदा सुधारणेची शक्यता मुंबई - राज्यातील मुदत संपलेल्या कृषी उत्पन्न बाजार समित्यांच्या निवडणुकांना राज्य सरकारने सहा महिन्यांची मुदतवाढ दिली आहे. बाजार समित्यांमध्ये शेतकऱ्यांना मतदानाचा अधिकार देण्याचा निर्णय घेण्यासाठी राज्य सरकारला पणन कायद्यात सुधारणा करावी लागणार आहे. त्या पार्श्वभूमीवर पणन विभागाने गुरुवारी (ता.१८) हा आदेश जारी केला आहे. राज्यात सध्या ३०७ बाजार समित्या कार्यरत आहेत. समित्यांच्या निवडणुकीत विविध कार्यकारी सेवा सोसायट्यांचे प्रतिनिधी आणि ग्रामपंचायतीचे सदस्य मतदान करतात. ठराविक आणि मर्यादित मतदार असल्याने सातत्याने विशिष्ट मंडळीच समित्यांच्या सत्तास्थानी राहून शेतकऱ्यांचे आर्थिक शोषण करतात. राज्यातील बाजार समित्यांमध्ये शेतकरी हित जपले जात नाही. हे चित्र बदलण्याच्या हेतूने बाजार समित्यांमध्ये शेतकऱ्यांना मताधिकार देण्याचा विचार आहे. त्यासाठी आधीची पद्वती बदलून निवडणुकीसाठी ज्यांच्या नावावर सातबाराचा उतारा असेल असे शेतकरी मतदानास पात्र ठरणार आहेत. साखर कारखान्यांच्या धर्तीवर शेतकऱ्यांना बाजार समित्यांसाठी मतदान करता येणार आहे.
Saturday, May 20, 2017 AT 06:15 AM (IST)
नाशिकला शिवसेनेच्या कृषी अधिवेशनात शेतीप्रश्‍नांचा जागर नाशिक -: कांद्याला एका एकराला ४० हजारांचा खर्च येतो. इतका खर्च करून बाजारात पदरात फक्त ४०० रुपयेच पडतात. सगळ्याच पिकांचं असं झालंय. शेतकरी जगावा असं खरंच सरकारला वाटतंय का? उत्पन्नच मिळत नसल्यावर शेतकरी जिवंत राहील का? असा आर्त सवाल शेतकऱ्यांनी शिवसेनेच्या कृषी अधिवेशनात मांडला.  सर्व पिकांची अवस्था बिकट असतांना शेतकरी अडचणीत सापडला आहे. या पार्श्‍वभूमीवर शिवसेनेने शुक्रवारी (ता.१९) नाशिकच्या चोपडा लॉन्समध्ये घेतलेल्या कृषी अधिवेशनाला उत्तर महाराष्ट्रातील शेतकऱ्यांचा मोठा प्रतिसाद लाभला. पहिल्या सत्रात शेतकऱ्यांची प्रातिनिधीक मनोगते व्यक्त झाली. कधी नव्हे इतकी कोंडी शेतकऱ्यांची झाली असताना शेतकऱ्याला जगवा, असा सूर या मनोगतांतून उमटला.  सहकार राज्यमंत्री दादा भुसे यांनी प्रास्ताविक केले. ते म्हणाले, की वर्ष २०१५ ते २०१७ या दोन वर्षांच्या कालावधीत राज्यात ७१०० शेतकऱ्यांनी आत्महत्या केल्या अाहेत. तर प्रगतिशील म्हणून ओळखल्या जाणाऱ्या उत्तर महाराष्ट्रात पहिल्यांदाच या दोन वर्षांत तब्बल १४०० शेतकऱ्यांनी मरणाला जवळ केले आहे.
Saturday, May 20, 2017 AT 06:15 AM (IST)
पुणे - विदर्भात तुरळक ठिकाणी उष्णतेची लाट असल्यामुळे कमाल तापमानात वाढ झाली आहे. शुक्रवारी (ता.19) सकाळपर्यंत चंद्रपूर येथे 46.2 अंश सेल्सिअसचे उच्चांकी तापमान नोंदविले गेले. रविवारी (ता.21) व सोमवारी (ता.22) मध्य महाराष्ट्राच्या उत्तर भागात तुरळक ठिकाणी पावसाची शक्‍यता, उर्वरित भागात हवामान कोरडे राहण्याची शक्‍यता हवामान विभागाने वर्तविली आहे. राज्यात शुक्रवार आणि शनिवारी कोरडे हवामान राहील. आजही विदर्भात तुरळक ठिकाणी उष्णतेची लाट कायम राहण्याचा अंदाज आहे. उष्णतेच्या लाटेमुळे कोकण, गोवा व मध्य महाराष्ट्राच्या काही भागात कमाल तापमानात सरासरीच्या तुलनेत लक्षणीय वाढ झाली आहे, तर मराठवाड्याच्या काही भागांत व विदर्भाच्या उर्वरित भागात कमाल तापमानात सरासरीच्या तुलनेत किंचित वाढ झाली आहे. राज्याच्या उर्वरित भागात कमाल तापमान सरासरीच्या जवळपास होते. पुणे परिसरातही आकाश अंशतः ढगाळ राहण्याचा अंदाज आहे. शुक्रवारी (ता.19) सकाळपर्यंतच्या 24 तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे 38.4, जळगाव 42.7, कोल्हापूर 38.1, महाबळेश्वर 31.7, मालेगाव 43.2, नाशिक 37.8, सांगली 38.
Saturday, May 20, 2017 AT 06:15 AM (IST)
उद्धव ठाकरे स्वाभिमानी शेतकरी संघटनाही होणार सहभागी नाशिक - "मी कर्जमुक्त होणारच!' असे घोषवाक्‍य घेऊन शिवसेनेने शेतकरी कर्जमुक्त अभियान सुरू केले आहे. एक महिना हे अभियान चालेल. पहिल्या टप्प्यात खासदार राजू शेट्टी यांच्या नेतृत्वाखाली स्वाभिमानी शेतकरी संघटना राज्यभर हे अभियान नेईल. 1 जूनपासून मी स्वत:ही या अभियानात सक्रिय सहभागी होईल. राज्यातील प्रत्येक भागातील शेतकऱ्यांची भेट घेईल, अशी घोषणा शिवसेनाप्रमुख उद्धव ठाकरे यांनी शुक्रवारी (ता.19) येथे झालेल्या कृषी अधिवेशनात केली. शेतकऱ्यांना न्याय मिळेपर्यंत गप्प बसणार नाही, असे सांगत राज्य व केंद्र सरकारच्या शेतकरीविरोधी धोरणांवर कडाडून हल्ला चढवला. उद्धव ठाकरे म्हणाले, की संकटात सापडलेला शेतकरी टाहो फोडतोय. सत्तेत मश्‍गूल झालेल्या सरकारला त्याकडे लक्ष द्यायला वेळ नाही. समृद्धी एक्‍स्प्रेस, बुलेट ट्रेन या बाबींचं स्वप्न दाखवित समाजाला गुंगीत ठेवलं जात आहे. "मी कर्जमुक्त होणारच' हे अभियान शेतकऱ्यांना न्याय मिळवून देईपर्यंत थांबणार नाही. खासदार राजू शेट्टी शिवसेनेसोबत या अभियानात आहे. राज्यातील प्रत्येक शेतकरी या अभियानात सहभागी होईल.
Saturday, May 20, 2017 AT 06:00 AM (IST)
1 2 3 4 5 ...
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: